Ŵeruzgi 2:13 - Tonga Bible 1986

¹³ Ŵangujowo Ambuya, ndi ŵangutataliya Bala ndi Ashitaroti.

Ŵeruzgi 2:13 Referans Kwoze

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

Sumu 106:36

Ŵanthu ŵaku Chiuta ŵangusopa ŵangoza, ndipo ichi chinguŵatore pharghaniko,

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

1 ŴaKorinte 8:5

Chifukwa chingana ŵalipo ŵeniwo ŵatamulika ŵachiuta, mu machanya, pamwenga pa charu; uli ndipo nadi kuliri “ŵachiuta ŵanandi,” ndi “ŵambuya ŵanandi;”

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:5

Chifukwa Solomoni wangurondo Ashitaroti chiuta munthukazi wa ŵaSidoni, ndi Milikomu ukazuzi wa ŵina Amoni.

1 Samuele 31:10

ŵanguŵika vidya vyake mu nyumba yaku Ashitaroto; ndipo ŵangukhoma liŵavu lake pa chimati cha Beteshani.

Ŵeruzgi 2:11

Ndipo ŵaYisraele ŵanguchita cho chenga chiheni mu maso gha Ambuya, ŵanguteŵete Bala.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’

2 Mikoka 7:22

Ndipo ŵakatinge, ‘Chifukwa ŵangujowo Ambuya Chiuta wa auskeu yo wanguŵatuzga mu charu cha Egipiti. Ŵanguŵika mitima yawo pa ŵachiuta ŵanyake, ŵanguŵasopa ndi kuŵateŵete, chifukwa ichi watole uheni wose uwu paku iwo.’ ”

Maŵerengedu 25:3

viyo Yisraele wangujibatika kwaku Bala waku Peoro, ndipo ukari wa Ambuya ungukole paku Yisraele;

2 Mikoka 12:2

Mu chirimika cha chinkhonde cha karonga Rehoboamu, Sheshaki karonga waku Egipiti wanguza kurwana ndi Yerusalemu chifukwa wangunangiya Ambuya;

2 Mikoka 28:3

ndipo wanguwocha vyakununkhira mu dambo la mwana waku Hinomu, ndi wangocha ŵana ŵake kuŵa sembe kwakuyana ndi kachitiro kaunyakazi ka mitundu yeniyo Ambuya anguyidikiska paurongo paku Yisraele.

2 Mikoka 33:3

Pakuti wanguzenga so malo gha pachanya gho Hezekiya awiske ŵangudumuriya pasi, ndi kumzenge Bala viguŵa ndi viuyi, wangusopa vya kuchanya vyose ndi kuvitatariya.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.