Ŵeruzgi 2:10 - Tonga Bible 1986

¹⁰ Ndipo mgonezi wose wuwa unguwunjikika ku auskeu; ndipo kunguyuka mgonezi unyake pavuli pawo, wo wengavi kuziŵa Ambuya pamwenga nchitu yo anguchitiya Yisraele.

Ŵeruzgi 2:10 Referans Kwoze

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

Machitidu gha Ŵakutumika 13:36

Chifukwa nadi Davidi wati watataliya mu mgonezi wake khumbu lo laku Chiuta, wangura, ndipo wanguŵikika pamoza ndi ŵambuyake, ndipo wanguwona chivuzi;

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yesaya 5:12

Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Samuele 7:12

Po ghatakuti ghawara mazuŵa ghako uchigona pasi pamoza ndi ausu, nkhasoskanga mphapu yako pavuli pako, yo wakatuliyanga muliŵavu lako, ndipo ndikakhozganga ufumu wake.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Yeremiya 22:16

Ŵangweruzga mlando wa wakusauka ndi wakusuzgika, viyo kwenga umampha. Pakuchita viyo asi nkhundiziŵa ine? atiti Ambuya.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Jobu 21:14

Ŵatiti kwaku Chiuta, ‘Tuwaniko kwaku ifwe! Kuti tikhumba zeru za nthowa zinu cha.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Maŵerengedu 27:13

Ndipo utakuti wachiwona, iwe nawe ukatolekiyanga ku ŵanthu ŵako, nge ndimo mbali wako Aroni wakufwiya,

Chiyambo 49:33

Penipo Yakobe wangumara kuchinyiya ŵana ŵake wanguŵika marundi ghake pa chita, ndipo wangututa kwa umari, ndipo wanguunjikika ku mtundu wake.

Chiyambo 25:8

Abrahamu wangututa kwakumariya ndi wangufwa pa ukhongwe wakufikapo, wenga khongwe ndi wa virimika vinandi, ndipo wangusazgika ku ŵanthu ŵake.

Chiyambo 15:15

Kweni iwe, ukarutanga ku ausu mu chimangu; ukafwanga pa ukhongwe weneko.

Chiyambo 25:17

(Ivi ndi virimika vya umoyo waku Yishumaele, machumi pe chumi pachanya machumi ghatatu ndi vinkhonde ndi viŵi (137); wangufwa ndipo wangusazgika ku ŵabali ŵake.)

Chituwa 1:6

Sono Yosefe wangufwa ndi ŵana ŵanyake wose ndi mgonezi wuwa wose.

Chituwa 1:8

Sono kunguwa karonga munyake wa Egipiti, yo wengavi kuziŵa Yosefe.

Yoswa 24:31

Yisraele wangutataliya Ambuya mu nyengo yose ya umoyo waku Yoswa, ndi mu mazuŵa ghose gha ŵara wo ŵenga ŵamoyo kurutiliya paku Yoswa wo ŵanguziŵa nchitu zose zo Ambuya anguchitiya Yisraele.

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yeremiya 9:5

Yose wapusika mwanasi wake, ndipo palivi yumoza wakukamba uneneska; ŵakusambizga lilime lawo kukamba mautesi; ŵachita maulakwi ndipo mbakuvuka ukongwa kuti wang'anamuke mtima.

Luka 20:32

Pavuli pake wangufwa munthukazi nayo.