Ŵeruzgi 2:1 - Tonga Bible 1986

¹ Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

Ŵeruzgi 2:1 Referans Kwoze

ŴaLevi 26:42

sono po ndipo nkhakumbukanga phanganu langu ndi Yakobe ndi phanganu langu ndi Yisaki ndi phanganu langu ndi Abrahamu, nkhakumbukanga charu cho.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Chituwa 23:20

“Awonani, ndituma mungelo paurongo pinu kumusungani mu nthowa ndi kumutoleni ku malo gho ndalongoso.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Zekariya 11:10

Ndipo ndinguto ndodo yangu Wezi, ndingufyo, (cho ching'anamuwa) kuswa phanganu lo ndingupangana ndi ŵanthu wose.

Yeremiya 14:21

Rekani kutitaya, chifukwa cha zina linu; rekani kuyuyuwa chitengo chinu cha unkhankhu; kumbukani phanganu linu ndi ifwe, rekani kuliswa.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 89:34

Phanganu langu kuti ndikaswanga cha, nanga nkhusinthiya panyake masu gho ghakutuwa mu mlomo wangu.

Ŵeruzgi 13:3

Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.

Ŵeruzgi 2:5

Ndipo ŵangudana zina la malo gha, Bokimu; ndipo ŵangupereka sembe ku Ambuya.

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Maŵerengedu 14:34

kwakulingana ndi mazuŵa mwaku gho mungamuskore charu, inya mazuŵa machumi ghanayi, mukanyamuwanga kwananga kwinu virimika machumi ghanayi, chirimika chimoza chifukwa cha zuŵa limoza, ndipo mukaziŵanga kuchenya kwangu.’

ŴaLevi 26:44

Ndipuuli, po ŵeche mu charu cha ŵamawongo ŵawo, kuti ndikaŵatayanga cha chingana nkhuŵakana, kuti ndiŵamariye limu wose ndi kureka phanganu langu lo ndingupangana nawo; pakuti Ine ndine Ambuya Chiuta wawo:

Chituwa 33:14

Ndipo iwo anguti, “Ndikarutanga nawe ndipo ndikakupumuzganga.”

Chituwa 14:19

Sono mungelo waku Chiuta yo wendanga paurongo pa liŵanja la ŵaYisraele wangundere ndi wanguja kuvuli kwawo; ndipo chiguŵa cha mtambo chingutuwako kuurongo kwawo ndi chinguma kuvuli kwawo.

Chituwa 14:14

Ambuya akakurwiyaninga, ndipo imwe muje ŵaka chisisi.”

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Chiyambo 16:13

Viyo wangudana zina la Ambuya wo angurongoro nayo, “Ndimwe Chiuta wakuwona”; pakuti wanguti, “Kumbi ndamuwonadi Chiuta ndipo ndajaliriya wamoyo pavuli pakumuwona?”

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Ŵeruzgi 6:8

Ambuya angutuma mchimi ku ŵaYisraele; yo wanguti kwaku wo, “Ichi ndicho akamba Ambuya, Chiuta waku Yisraele: Ndingukurongozgani kutuwa ku Egipiti, ndipo ndingukutuzgani mu nyumba ya uŵanda.

Ŵeruzgi 13:2

Ndipo wengapo munthu waku Zora wa mtundu waku Dani, mweniyo zina lake lenga, Manowa; muwoli wake wenga chumba.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Ŵeruzgi 11:24

Kumbi iwe kuti ukaharanga cho chiuta wako Kamoshi watukupaska ku hara cha? Ndikuti chose cho Ambuya Chiuta widu wakwamphuwa paurongo pidu ifwe nafwe tikachiharanga.

Sumu 89:3

Imwe munguti, Ndachita phanganu ndi munthu yo ndasankha; ndarapa kwaku Davidi mteŵeti wangu;