Ŵeruzgi 19:9 - Tonga Bible 1986

⁹ Ndipo penipo munthu yo ndi mbiligha yake ndi mteŵeti wake ŵangusoka kuti ŵarutenge, musibweni wake, wanguti kwaku iyo, “Ehe, zuŵa la pendama kale mdima wafika, ndipempha ugone usiku uno. Awona, lumwi lisere, ugone pano ndipo mtima wako ukondwe; sono la mawa ukayukanga ndi mlenjilenji pa ulendo wako ndipo urutenge kwako.”

Ŵeruzgi 19:9 Referans Kwoze

Luka 24:29

Ndipo ŵangumukakamizga, ŵakuti, “Tandarani nafwe, pakuti nkhu mazuro, ndipo zuŵa lapendama kali, ndipo wangusere kwachitandara nawo,”

Nthanthi 27:1

Reka kujikuzgiya la mawa, pakuti uziŵa cha mwenimo likaŵiyanga.

Ŵeruzgi 19:6

Viyo ŵanthu yaŵa ŵaŵi ŵanguja pasi ŵangurgha ndi kumwa pamoza; ndipo wiske wa munthukazi wanguti ku munthu yo, “Zomera ugone pano usiku uno, ndipo mtima wako ukondwe.”

Ŵeruzgi 19:8

Ndipo pa zuŵa la chinkhonde wanguyuka ndi mlenjilenji kuti warutenge, musibweni wake, wiske wa munthukazi, wanguti, “Limbiska mtime wako, utandale pano mpaka kupendama kwa dazi.” Viyo ŵangurgha wose ŵaŵi.

Ŵeruzgi 19:10

Kweni munthu yo kuti wangukhumba cha kugona so pa: wangusoka ndi wanguruta, ndipo wangufika kwakulereskana ndi Yebusi, yo ndi Yerusalemu. Pamoza nayo wenga ndi mbunda ziŵi za katundu, ndi mbiligha yake.

Ruti 3:7

Ndipo penipo Boazi wangurgha ndi wangumwa, ndi mtima wake ungusangaruka, wanguruta kwa chila pa umari wa ndundu ya barile. Sono Ruti wanguza kwakunyanyata ndi wanguvunuwa marundi ghake ndi wangula pasi.

2 Samuele 13:28

Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”