Ŵeruzgi 17:5 - Tonga Bible 1986

⁵ Mika wenga ndi kavuŵa; ndipo wanguchita chivwaru chapachifuŵa cha mzukuru ndi twangoza, ndipo so wangumika yumoza wa ŵana ŵake yo wanguŵa mzukuru wake.

Ŵeruzgi 17:5 Referans Kwoze

Ŵeruzgi 18:14

Sono ŵanthu ŵa ŵankhonde ŵanguruta kwachiskola charu cha Laishi ŵanguti ku ŵabali ŵawo, “Kumbi muziŵa kuti mu nyumba izi mwe chakuvwara cha pa chifuŵa, twangoza, chikozgu chakusema ndi ngoza wakusongono? Viyo ghanaghanani cho mukachitanga.”

Ŵeruzgi 8:27

Ndi vyenivyo Gideoni wangupanga raya la uzukuru wanguliŵika mu msumba wake mu Ofra; ndipo ŵaYisraele wose ŵanguchita uheni paku lo mwenimuwa, mwakuti lingusanduka chiŵana kwaku Gideoni ndi ku mbumba yake.

Chiyambo 31:19

Labani wanguruta kwachisenga mberere zake, ndipo Rakelo wanguba ŵachiuta ŵamu nyumba ya awiske.

Ŵeruzgi 18:24

Iyo wanguti, “Mwato ŵachiuta ŵangu wo ndingupanga pamoza ndi mzukuru, na ine ndaja ndi chine? Chifukwa nchine mutindifumba, kuti uchime cho chakusuzga?”

Chiyambo 31:30

Ndipo sono iwe wathaŵa chifukwa ungunweka ukongwa nyumba ya ausu, kweni chifukwa chine ukuba ŵachiuta ŵangu?”

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Chituwa 29:9

ndipo uzukuru ukaŵanga wawo mwadangu lambura kumara lakulembeka. Viyo ndimo mukaŵamikiyanga Aroni ndi ŵana ŵake ŵanthurumi.

Chituwa 28:15

“Ndipo ukachitanga chapachifuŵa cha cheruzgu chakuchitika uli ndi lusu la misiri; nchitu yake yikozgane ndi nchitu ya efodo, ungachichitiyanga cha saru ya golide, bulu, yakufyuŵara, yiyera, ndi saru yakuwolofoka yakupika.

ŴaHebere 5:4

Ndipo palive munthu wajitole mlimu uwu waulemu, kweni yo ngwakudanika ndi Chiuta, uli ndimo wangudanikiya Aroni.

Hoseya 8:14

Chifukwa Yisraele waruwa mulengi wake, ndi wazenga nyumba zikuru, ndipo Yuda wandaniska misumba ya malinga; kweni nditumenge moto pa misumba yake, ndipo wamukocha malinga ghake.

Ezra 1:7

Sirusi karonga yo, nayo wanguwezga viyaŵi vya nyumba ya Ambuya vyo Nebukadanezara wanguza navyo kutuwa ku Yerusalemu ndi wanguviŵika mu nyumba ya ŵachiuta ŵake.

1 ŴaKaronga 12:31

Ŵanguzenga so zinyumba mu malo ghakusopiyamo, wangutondo ŵazukuru mukati mu ŵanthu, wo kuti ŵenga ŵaLevi cha.

1 Samuele 23:6

Ndipo Abiatara mwana waku Ahimeleke wachithaŵiya kwaku Davidi ku Keila, wanguza wakupinga efodo mu janja lake.

Chituwa 28:4

Maraya gho ŵasonenge ndi yagha: chapachifuŵa, efodo, munjirira, ndi khoto lakupikapika, ndi mwakundu ndi lamba; ŵakasonanga maraya ghakupaturika ghaku Aroni, mwana munyako ndi ŵana ŵake ŵanthurumi kuŵa ŵazukuru ŵakunditataliya.

Chituwa 24:5

Ndipo wangutuma ŵanyamata ŵa ŵaYisraele, wo ŵangupereka mpasku wakocha ndi ŵanguchita visopo vya chimangu vya ng'ombe ku Ambuya.

Maŵerengedu 3:10

Mika, Aroni ndi ŵana ŵake, kuti ŵasungenge uteŵeti wawo wa uzukuru, kweni asani munthu wamwenga wandere kufupi, wakabayikanga.”

Ŵeruzgi 17:4

Viyo wati wawezge ndrama zo ku nyina, nyina wangutopo siliva machumi pe chumi ghaŵi (200) wangupereka ku wakusula vya siliva, yo wangumupangiya ngoza wakusema ndi ngoza wakusongono; ndipo wenga mu nyumba yaku Mika.

Ŵeruzgi 18:30

Ndipo ŵaDani ŵangujimikiya ngoza waku sema; sono Jonafani mwana waku Gershomu, mwana waku Mosese, ndi ŵana ŵake ŵanthurumi ŵenga ŵazukuru ku fuku la ŵina Dani Kufika ku zuŵa la umkoli wa charu cho.

Yesaya 44:13

Ng'ombwa ya miti yatambaluwa chingwe, yitichilembe; ndi chakulembe, watichilongoso kawidu kake ndi chakupaliya, ndipo watichilongoso mu kaŵidu ka munthu, ndi unozgi wa munthu, kuja mu nyumba.

Ezekiele 21:21

Pakuti karonga waku Babiloni wama pa mphatukano za nthowa, pa mutu wa nthowa ziŵi, kuti wawombeze; wasukuniska mivwi, wafumba ŵangoza, walereska pa mphafwa.

1 Samuele 19:13

Mikala wanguto chikozgu wangugoneka pa chita ndi kuŵikako ku mutu wake msamiro wa weya wa mbuzi, wanguchivwinkha ndi vivwaro.

1 ŴaKaronga 12:32

Ndipo Yoroboamu wangulangula dghera pa zuŵa la chumi ndi ghankhonde la mwezi wa chinkhonde ndi chitatu lakukozgana ndi dghera lo lenga ku Yuda, ndi ŵangupereka sembe pa chiguŵa cha sembe; viyo ndimu wanguchitiya mu Beteli, kupereka sembe ku mathole ghenigho wangupanga. Ndipo mu Beteli wanguŵikamo ŵazukuru ŵa malo gha pachanya gho wanguchita.

Ezekiele 21:26

viyo atiti Ambuya Chiuta: Zuŵa chilemba, tuzgako chifuku; vinthu kuti vikajanga nge ndimo viliri cha, kwezgani cho chepasi, siskani cho che pachanya.