Ŵeruzgi 14:3 - Tonga Bible 1986

³ Kweni awiske ndi anyina wangunena nayo, “Kumbi mulivi munthukazi mu ŵana ŵanthukazi ŵa ŵabali ŵako, pamwenga mukati mu ŵanthu ŵidu wose, po utiti ukato munthukazi ku ŵaFilisti wambura kuchinjika?” Samsoni wanguti ku awiske, “Kanditoliyeni munthukazi yo: pakuti watindikondweska ukongwa.”

Ŵeruzgi 14:3 Referans Kwoze

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

Ŵeruzgi 15:18

Ndipo wangukoreka ukongwa ndi nyota wangudana ku Ambuya wanguti, “Mwapaska chipozomosko ichi chikuru ndi janja la mteŵeti winu; ndipo kumbi sono ndikafwanga ndi nyota, ndi kuwa mu manja gha ŵambura kuchinjika?”

2 Samuele 1:20

Mungataulanga ichi mu Gata cha, rekani kuchimemeza mu miseu ya Ashikeloni; vinu ŵangakondwere ŵana ŵanthukazi ŵa ŵaFilisti vinu ŵana ŵanthukazi ŵa mbura kuchinjika ŵangalankhanga.

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

Chiyambo 34:14

Ŵanguti kwaku wo, “Tingachita cha chinthu ichi, kupaska mzichi widu kwaku yo ngwambura kuchinjika, pakuti chaviyo nchilengesku kwaku ifwe.

Chiyambo 13:8

Sono Abramu wanguti kwaku Lote, “Paulevi kulimbana pakati pako ndi ine, ndi pakati pa ŵaliska ŵako ndi ŵaliska ŵangu pakuti teŵene ndi ŵene.

Chiyambo 21:27

Viyo Abrahamu wanguto mberere ndi ng'ombe wanguvipaska kwaku Abimeleke, ndipo yaŵa ŵanthu ŵaŵi ŵanguchita phanganu.

Ŵeruzgi 14:2

Sono iyo wanguza wanguŵanene awiske ndi anyina, “Ndinguwona yumoza wa ŵana ŵanthukazi ŵa ŵaFilisti pa Timina, nditoliyeni kuti waŵi muwoli wangu.”

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,