Ŵeruzgi 13:3 - Tonga Bible 1986

³ Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.

Ŵeruzgi 13:3 Referans Kwoze

Luka 1:13

Kweni mungelo yo wanguti kwaku iyo, “Ungopanga, Zekariya, chifukwa likuvwika niniziku lako, ndipo muwoli wako Elizabeti wakupapiyenge mwana munthurumi, ndipo udanenge zina lake Yohane.

Luka 1:11

Ndipo kungumuwoneke mungelo wa Ambuya, wakuma ku marghe gha jochero la chema.

Ŵeruzgi 13:8

Sono Manowa wanguŵeyere ku Ambuya, wanguti, “Ambuya, mwe, nditukurombani, zomerezgani munthu waku Chiuta yo mungutuma wazi so kwaku ifwe, wazitisambizge mo tazamuchitiya ndi mwana yo wakapapikanga.”

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

2 ŴaKaronga 4:16

Ndipo wanguti, “Pa nyengo nge ndi yeniyino, asani yakapo nyengo, ukakorezenga mwana munthurumi.” Iyo wanguti, “Ŵa munthu waku Chiuta we, reka kukamba utesi ku mteŵeti wako munthukazi.”

Chiyambo 18:10

Ambuya anguti, “Ndazamuwere kwaku iwe pa nyengo ya liwondwe, ndipo Sara muwoli wako wakaŵanga ndi mwana munthurumi.” Ndipo Sara wategherezganga pa khomo la hema ku msana kwake.

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

1 Samuele 1:20

ndipo mu nyengo yakufiskika Hana wanguŵa ndi nthumbo ndipo wangupapa mwana munthurumi, wangumudana zina lake Samuele, pakuti watinge, “Ndamupempha ku Ambuya.”

Ŵeruzgi 13:10

Munthukazi wanguchimbiya kwakutinthimika kwachinene mrumi wake, “Ehe, munthu yuwa wanguza kwangu zuŵa lo wawonekaso.”

Ŵeruzgi 13:6

Sono munthukazi wanguzachinene mrumi wake, “Munthu waku Chiuta wanguza kwangu, ndipo kawonekeru kake kenga kawonekeru ka mungelo waku Chiuta, wakofya ukongwa, ndengavi kumufumba ko wangutuliya, ndipo wengavi kundinene zina lake;

Ŵeruzgi 6:14

Ndipo Ambuya angung'anamukiya kwake, anguti, “Ruta mu kulimba uku ukapozomoske Yisraele ku janja laku Midiyani; Ndine nditukutuma.”

Ŵeruzgi 13:15

Manowa wangunena ndi mungelo wa Ambuya, “Ndipempha, tizomerezge kukuswereska, tikurongosole kamsese ka mbuzi.”

Chiyambo 18:14

Pa nyengo yo ndanena ndikawerenga kwako, mu nyengo ya liwondwe, ndipo Sara wakaŵanga ndi mwana munthurumi.”