Ŵeruzgi 10:15 - Tonga Bible 1986

¹⁵ Ndipo ŵaYisraele ŵanguti ku Ambuya, “Talakwa; tichitiyeni chose cho nchamampha kwaku imwe; kweni titukuŵeyani tipozomoskeni, msana wale.”

Ŵeruzgi 10:15 Referans Kwoze

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”

2 Samuele 15:26

kweni asani atiti, ‘Ndilivi likondwa mwaku iwe’, awona, ine nde pano wachite nane chose cho chingamuŵiya chamampha.”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

2 Samuele 24:14

Penipo Davidi wangunena ndi Gadi, “Ndafinyikizgika ukongwa; mphanyi tawa waka mu janja la Ambuya, pakuti ngukuru ukongwa wezi wawo; kweni kuti ndiwe mu janja la munthu cha.”

Yoswa 9:25

Ndipo sono, ehe, ifwe temu janja linu chitani cho chingaŵa chamampha ndi chakwenere mu maso ghinu paku ifwe.”

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

2 Samuele 10:12

Khwima mtima, tiŵe ŵanthurumi pa khamu lidu, ndi pa msumba yaku Chiuta widu; Ambuya atichitiye cho nchakuŵakondweska.”

Yona 2:4

Viyo ndinguti, ‘Ndatuzgikapo pa maso ghinu, ndilereskenge so uli pa kasopi winu wakupaturika?’

Jobu 33:27

ndi ŵatumba paurongo pa ŵanthu, ndi watiti: ‘Ndingulakwa, ndi ndingutimbanizga cho chenga chakurunjika, ndipo kuti chingundanduliya kanthu cha.

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’

1 Samuele 7:6

Viyo ŵanguwunjikana pa Mizpa, ndipo ŵangunegha maji ŵangughadira paurongo pa Ambuya, ŵangufunga zuŵa liya, ndipo penipa ŵanguti, “Tanangiya Ambuya.” Ndipo Samuele wangweruzga ŵaYisraele pa Mizpa.

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.