Ŵeruzgi 1:27 - Tonga Bible 1986

²⁷ Manase kuti wangudikiska ŵakuja mu Betesheani cha ndi mizi yake, pamwenga Tanaka ndi mizi yake, pamwenga ŵakuja mu Doro ndi mizi yake, pamwenga ŵakuja mu Iblamu ndi mizi yake, pamwenga ŵakuja mu Megido ndi mizi yake, kweni ŵaKanani ŵangukaniriya kuja mu charu chiya.

Ŵeruzgi 1:27 Referans Kwoze

Yeremiya 48:10

“Wakutembeka ndi munthu yo wachita nchitu ya Ambuya ndi kutomboloka; ndipo wakutembeka ndi mweniyo wakanizga lipanga lake kudiska ndopa.

1 Samuele 15:9

Sauli pamoza ndi ŵanthu ŵake ŵangusiya Agagi, ndi mberere zamampha ndi ng'ombe ndi vyakututuŵa, ndi twana twa mberere, ndipo ndi chose cho chinguŵa chakunozga, kuti ŵangukhumba kuvimariya limu cha, vyo vyenga vya kuyeyeka ndi vyambura kwene ŵanguvinanga vyose.

Ŵeruzgi 5:19

“Ŵakaronga ŵanguza, ŵangurwa; pavuli ŵangurwa ŵakaronga ŵaKanani, pa Tanaka, pafupi ndi maji gha Megido; ŵengavi kuto miskowo ya siliva.

Ŵeruzgi 1:1

Pavuli pa nyifwa yaku Yoswa ŵanthu ŵangufumba ku Ambuya, “Ndiyani yo wakadanganga kutikwere ifwe kwachimikana ndi ŵaKanani kurwana nawo?”

Yoswa 21:25

ndipo kutuliya ku fuku la nusu laku Manase, Tanaka ndi mauliska ghake, ndi Gatrimoni ndi mauliska ghake, misumba yiŵi.

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Chituwa 23:32

Mukachitanga nawo phanganu cha, pamwenga ndi ŵachiuta ŵawo nawo cha.

Ŵeruzgi 1:26

Ndipo munthu yo wanguya ku ŵaHiti ndi wanguzenga msumba wanguwudana zina lake Luzi, ili ndilo zina lake mpaka zuŵa lino.

Ŵeruzgi 1:28

Penipo ŵaYisraele ŵangukuwa munthazi ŵanguŵika ŵaKanani ku nchitu yakuchichizgika, kweni kuti ŵanguŵadikiskamo wose cha.

2 ŴaKaronga 9:27

Ahaziya karonga waku Yuda wanguti wawona ichi, wanguthaŵiya kuchiri ku Betehagani. Ndipo Yehu wangumundondoloska, ndi watinge, “Mulaseni nayo,” ndipo ŵangumulasiya mu magareta pakukwere ku Gura, yo we pafupi ndi Iblamu wanguthaŵiya ku Megido, ndipo wangufwiya kwenikuwa.

Ŵeruzgi 1:21

Kweni ŵanthu ŵaku Benjamini kuti ŵanguŵadikiskamo cha ŵaYebusi wo ŵajanga mu Yerusalemu; viyo ŵaYebusi ŵanguja pamoza ndi ŵanthu ŵaku Benjamini mu Yerusalemu mpaka zuŵa lino.

1 Samuele 31:10

ŵanguŵika vidya vyake mu nyumba yaku Ashitaroto; ndipo ŵangukhoma liŵavu lake pa chimati cha Beteshani.

1 ŴaKaronga 9:21

Ŵana ŵawo wo ŵangusiyika pavuli pawo mu charu, ŵeniwo ŵaYisraele ŵangutondeka kuŵamariya limu; yaŵa Solomoni wanguŵachita msonkho wa ŵaŵanda, viyo ndimu ŵaliri mpaka zuŵa lino.

2 ŴaKaronga 23:29

Mu mazuŵa ghaku Farao-Neko karonga wa Egipiti wangukwere ku Karonga wa Asiriya ku msinji Efrate. Karonga Josiya wanguruta kwachikumana nayo, ndipo Farao-Neko wangumubayiya pa Megido, wati wamuwona.