ŴaRoma 1:3 - Tonga Bible 1986

³ wapa Mwana wake, mweniyo kuchiri ku liŵavu wangupapika ku mbeu yaku Davidi,

ŴaRoma 1:3 Referans Kwoze

Mateyu 1:1

Buku la kawidu kaku Yesu Kristu, mwana waku Davidi, mwana waku Abrahamu.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

ŴaRoma 9:5

ŵeniwo mbaseku, ndi mwaku ŵeniwo uli nkhu liŵavu wanguziya Kristu, yo we pachanya paku wose, Chiuta wakutumbikika muyaya. Ameni.

Yohane 20:28

Wangwamuka Tomase, wangunena nayo, “Ambuyangu ndi Chiuta wangu!”

Yohane 10:30

Ine ndi Ada te ŵamoza.”

Mateyu 1:16

ndipo Yakobe wangupapa Yosefe mrumi waku Mariya, mwaku mweniyo wangupapika Yesu, yo wazumbulika Kristu (lo ling'amuwa kuti wakupakika).

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

2 Timote 2:8

Kumbukanga Yesu Kristu, wakuyuskika ku ŵakufwa, wa mbeu yaku Davidi, uli ndi evangeli wangu;

1 ŴaKorinte 1:9

Ngwamagomekezgeka Chiuta, mwaku mweniyo mungudanikiya ku wanase wa Mwana wake Yesu Kristu Ambuyafwe.

Machitidu gha Ŵakutumika 2:30

Viyo pakuŵa mchimi, ndipo pakuziŵa kuti ndi rapu Chiuta wamurapiya kuti ku chipasi chamu chiunu chake wangajarikapo yumoza pa chitengu chake cha ufumu.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 5:25

“Nadidi ndikuneneskiyani kuti lituza ora, ndipo sono liripo penipo ŵakufwa ŵavwenge liu la Mwana waku Chiuta; ndipo wo ŵamkuvwa ŵaŵenge ŵamoyo.

Luka 1:69

Ndipo watisoske mtaski wanthazi, mu nyumba yaku Davidi, mhurwa wake

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 15:22

Ndipo wonani, munthukazi muKanani, wakutuwa mu mphaka zenizo, wangubongo, wakuti, “Ndifwiyeni lisungu, Ambuya, mwa Mwana waku Davidi; mwana wangu munthukazi wakoreka uheni ndi demone.”

Mateyu 12:23

Ndipo mzinda yose yarwitanga, ndi yatinge, “Kumbi mwenuyu ndi mwana waku Davidi?”

Mateyu 9:27

Ndipo wachirutiriya Yesu, ŵangumrondo ŵachiburumutiya ŵaŵi, ŵakubongo ndi ŵakuti, “Tifwiyeni lisungu, mwa mwana waku Davidi.”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Mateyu 1:6

ndipo Jese wangupapa Davidi karonga yo. Ndipo Davidi wangupapa Solomoni mwaku yo wenga muwoli waku Uriya;

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

2 Yohane 1:7

Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 5:5

Kweni njani yo ngwakupunda charu? Ndi mweniyo ngwakuvwana kuti Yesu ndi Mwana waku Chiuta.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.

1 Yohane 4:15

Mweniyo yose wazomerenge kuti Yesu ndi Mwana waku Chiuta, Chiuta waja mwaku iyo, ndi iyo mwaku Chiuta.

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

Machitidu gha Ŵakutumika 9:20

Ndipo sosono mu masinagoge wangutaula Kristu, kuti, “Ndiyo Mwana waku Chiuta.”

Machitidu gha Ŵakutumika 8:36

Ndipo ŵachiruta mu nthowa yo, ŵanguza pa maji ghakuti; ndipo wamthenu yo wanguti, “Awonani, maji! Chitindikanizga chine kubatizika?” [

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.

Yohane 7:42

Asi lembo lo linguti, kutuwa ku mbeu ndiku Betelehemu ku muzi ko wenga Davidi, watuza Kristu?”

Yohane 1:34

Ndawona ine, ndipo ndasimikizga kuti Mwenuyu ndi Mwana waku Chiuta.”

ŴaRoma 4:1

Viyo tikatingenji ndi Abrahamu, auskekurufwe kuchiri ku liŵavu, wasaniya chine?

ŴaRoma 9:3

Chifukwa ndingakhumba mphanyi kuti ine ndamweni ndiŵe wakutembeka kwaku Kristu pa chifukwa cha ŵabali ŵangu, ŵachikazi ŵanyangu kuchiri ku liŵavu:

1 ŴaKorinte 10:18

Thoŵani kachitiru ka ŵaYisraele: asi wakurgha vya sembe vyo mbakusangana ndi jochero lo?

1 Timote 2:5

Chifukwa kwe Chiuta, ndi mwendapakati yumoza, pakati paku Chiuta ndi ŵanthu, Munthu Kristu Yesu.