ŴaLevi 9:24 - Tonga Bible 1986

²⁴ Ndipo moto unguburika kutuwa paurongo pa Ambuya ungocha mpasku wakocha ndi mafuta gho ghenga pa jochero; ndipo penipo ŵanthu wose ŵanguwuwona, ŵangukambura, ndi ŵanguwa pasi kavunama.

ŴaLevi 9:24 Referans Kwoze

Ŵeruzgi 6:21

Sono mungelo wa Ambuya wangukwaska ndi songo ya ndodo yo yenga mu janja lake, wangujoko nyama ndi viŵande vya ufwa wambura mtupu; ndipo moto ungulipuka kutuwa mu jarawi lo ndi ungunyekeska nyama ndi viŵande vya ufwa wambura mtupu, ndipo mungelo wa Ambuya wangutuwako ku maso ghake.

1 Mikoka 21:26

Ndipo Davidi wanguŵazenge jochero penipa Ambuya, ndi wangupereka sembe zakocha, ndi sembe za chimangu, ndi kudana pa zina la Ambuya ndi angumwamuka ndi moto kutuwa kuchanya kusikiya pa jochero la sembe yakocha.

Sumu 80:1

Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

Ŵeruzgi 13:23

Kweni muwoli wake wanguti kwaku iyo, “Asani Ambuya ang'anamuwanga kutibaya, mphanyi kuti anguronde chisopochakocha ndi mpasku wa ufwa wa manja ghidu cha, chingana nkhutirongo vinthu ivi vyose, pamwenga kutitauliya vinthu vya viyo nge ndi ivi.”

ŴaLevi 6:13

Moto ukolenge pachanya pa jochero kwambura kulekezga; kuti uzimwenge cha.

Chituwa 3:2

Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Chiyambo 15:17

Penipo lumwi lingusere ndi kungufipa, ehe, chiŵiya cha moto chakusunkha usi ndo lumbuni lakukole vingudumuwapo pakati pa vipitika ivi.

Chivumbuzi 7:11

Ndipo ŵangelo wose ŵanguma kwakuzunguliya ŵara wo ndi vyamoyo vyo vinayi; ndipo ŵanguwa kavunama paurongo pa chitengu-chaufumu, ndi kumlambiya Chiuta,

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Ezra 3:11

ŵambanga ndi kurondiyana, kumutumbika ndi kumuwonga Chiuta, “Chifukwa ngwamampha, wakwanja ŵaYisraele kwa muyaya.” Ndipo ŵanthu wose ŵakamburanga ndi chiwawa chikuru, ŵachitumbika Chiuta chifukwa chiŵanja cha nyumba yaku Chiuta chinguzengeka.

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

2 Mikoka 6:2

Ine ndamumangiyani nyumba yakujamo, malo ghakujamo muyaya.”

2 ŴaKaronga 19:15

Ndipo Hezekiya wanguromba paurongo pa Ambuya, wanguti, “Ambuya mwe Chiuta waku Yisraele imwe mukujarikika pachanya pa maKerubi, imwe ndimwe Chiuta, ndimwe pe mwija, pa maufumu ghose gha charu chapasi; imwe mukulenga kuchanya ndi pasi.

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 14:5

Viyo Mosese ndi Aroni ŵanguwa kavunama pa maso pa wumba wose wa ŵaYisraele.

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

ŴaLevi 10:2

Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya.

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.