ŴaLevi 8:23 - Tonga Bible 1986

²³ Ndipo Mosese wangumubaya, wanguto zinyake za ndopa zake wanguziŵika pa songo pa gutu lamarghe laku Aroni ndi chikumbu chikuru cha janja lake la kumarghe ndi pa chikumbu chikuru cha rundi lake la kumarghe.

ŴaLevi 8:23 Referans Kwoze

Chituwa 29:20

Ndipo mukabayanga bira yo, ndi mukatonga ndopa zake zinyake ndi kuziŵika pa umari wa gutu lamarghe laku Aroni ndi pa umari wa makutu ghamarghe gha ŵana ŵake ŵanthurumi, ndi vikumbu vya manja ghawo ghamarghe, ndi pa vikumbu vya marundi ghawo ghamarghe; ndipo muwochenge ndopa zakujapo kuchiri ku jochero la sembe kwakuzunguliya lo.

ŴaLevi 14:17

Ndipo ghanyake gha mafuta ghakujapo mu janja lake, mzukuru wakaghaŵikanga pa songo pa gutu laku marghe laku yo wakatozgekanga ndi pa chikumbu chikuru cha rundi lake laku marghe pachanya pa ndopa za mpasku wapa kwananga;

ŴaLevi 14:14

Mzukuru wakatongapo ndopa zinyake za mpasku wapa kwananga wakaziŵikanga pa songo pa gutu laku marghe laku yo wakatozgekanga, ndi pa chikumbu chikuru cha janja lake laku marghe, ndi pa chikumbu chikuru cha rundi lake laku marghe.

ŴaFilipi 2:17

Ndikweni, nanga ndipungulikiya pa chisopu ndi uteŵeti ukhovu wa chivwanu chinu, ndikondwa, ndipo ndikondwere ndi imwe mose.

ŴaFilipi 1:20

uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

ŴaRoma 6:19

Ndikamba nge ndi munthu pa chifukwa cha udomboto wa liŵavu linu; chifukwa uli ndimo mungupereke viŵaru vinu nge mbaŵanda ku ukazuzi ndi ku uchikana-marangu kuya ku uchikana-marangu, viyo sono viperekeni viŵaru vinu nge mbaŵanda ku urunji kuya ku kupaturika.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

ŴaLevi 14:28

wakaŵikanga mafuta ghanyake gho ghe mu janja laku marghe pa songo pa gutu laku marghe la wakutozgeka yo, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe, pa malo gho ndopa za sembe ya kwananga zinguŵikika.

ŴaHebere 5:8

Chingana wenga Mwana, wangusambira mvwiyu mwaku vyo wangukomwa;

ŴaHebere 2:10

Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

1 ŴaTesalonika 5:22

mujipatuweko ku kawonekedu kose kaheni.

Chituwa 29:21

Sono mukatonga ndopa zinyake zo ze pa jochero la sembe, kutopo mafuta ghanyake gha kupakiya ndi kuviwazga paku Aroni ndi vivwalo vyake, ndi pa ŵana ŵake ŵanthurumi ndi pa vivwalo vyawo pamoza nayo; ndipo iyo ndi vivwalo vyake wakaŵanga wakupaturika, ndi ŵana ŵake ŵanthurumi ndi vivwalo vyawo pamoza nayo.

ŴaLevi 7:37

Ili ndilo dangu la mpasku wakocha, la mpasku wa ufwa, la mpasku wapa ulakwi, la mpasku wa mamphuru, la pakupaturiskika ndi la mpasku wa chimangu,

ŴaLevi 14:25

Ndipo wakabayanga mberere yo ya sembe ya pakwananga, wakatongapo ndopa zinyake za sembe ya kwananga kuziŵika pa songo pa gutu la marghe laku yo wakatozgekanga, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe.