“Uwu ndi mpasku wo Aroni ndi ŵana ŵake ŵakaperekanga ku Ambuya pa zuŵa lenilo wapakika ndi mafuta, chigaŵa chimoza cha vigaŵa chumi cha chipimo cha ufwa wamampha kuŵa mpasku wa zuŵa ndi zuŵa, nusu ya chigaŵa ichi mukaperekanga ku mlenji; nusu yinyake mukaperekanga ku mazulo.
“Mukatonga so mafuta gha bira, ndi muchiya wa mafuta, ndi mafuta ghaku matumbo ndi mafuta gha pachanya pa mphafwa ndi sana zo ziŵi pamoza ndi mafuta gha pachanya paku zo, ndi chigha chakumarghe pakuti ndi bira wakumikiya,
“Asani walivi mwana wa mberere, ike wakazanga ku Ambuya chifukwa cha mamphuru ghake, tunjiŵa tuŵi pamwenga tuviwunda twa nkhunda tuŵi, kamoza kuŵa mpasku wapa ulakwi, ndi kanyake kuŵa mpasku wakocha.
Ndipo Mosese wangumubaya, wanguto zinyake za ndopa zake wanguziŵika pa songo pa gutu lamarghe laku Aroni ndi chikumbu chikuru cha janja lake la kumarghe ndi pa chikumbu chikuru cha rundi lake la kumarghe.