ŴaLevi 7:16 - Tonga Bible 1986

¹⁶ Kweni asani sembe yake njakurapiyapo pamwenga nja wanangwa yikarghikanga mu zuŵa lenilo wayipereke, ndipo yo yajako yikarghikanga ndi mlenji unyake,

ŴaLevi 7:16 Referans Kwoze

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Ezekiele 46:12

Penipo karonga wapereka mpasku wa wanangwa, kaya ndi mpasku wakocha pamwenga wa chimangu nge ndi mpasku wa wanangwa ku Ambuya, likomo la kulereska ku vuma lijurikiye iyo, wapereke mipasku yake yakocha pamwenga ya chimangu nge ndimo wachitiya pa zuŵa la sabata. Pavuli wakatuwanga, ndipo asani watuwa likomo lijarike.

Sumu 116:18

Marapu ghangu ku Ambuya ndifiskenge inya paurongo pa khamu lawo lose,

Sumu 116:14

Marapu ghangu ku Ambuya ndifiskenge, pa maso pa khamu lawo lose.

Sumu 66:13

Ndizenge ku nyumba yinu ndi mipasku yakocha; ndikaperekanga kwaku imwe cho ndingupangana.

Marangu 12:26

Kweni vinthu vinu vyakupaturika mukwenere kupereka ku Ambuya ndi mpasku ndi sembe za marapu, mukavitonga ndipo mukarutanga navyo ku malo gho Ambuya akasankhanga.

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

ŴaLevi 23:38

pamoza ndi masabata gha Ambuya, mukasazgiyangapo vyaulera vinu, mipasku yinu ya mphenduzga ndi mipasku yinu ya wanangwa yo mupaska ku Ambuya.

ŴaLevi 22:29

Ndipo muchipereka sembe yakuwonga ku Ambuya mukaperekanga yeniyo alinga kuti mulondereke.

ŴaLevi 22:23

Nkhuzi pamwenga mberere yo yendi chiŵalo chakulutiriya utali pamwenga chakulutiya ufupi mungaziŵa kuyipereka kuŵa sembe ya wanangwa kweni pa sembe ya mphenduzga kuti yingalondereka cha.

Chituwa 35:29

Ŵanthurumi wose ndi ŵanthukazi, ŵaYisraele, wo ŵangukhumba kuza ndi kanthu ke kose ku mlimu wo Ambuya angulanguliya mwaku Mosese kuchitika ŵanguza nako kuŵa mpasku wa khumbu lawo ku Ambuya.

Nthanthi 7:14

“Ndaperekanga mipasku, ndipo msana wale ndalipa marapu ghangu;