ŴaLevi 6:3 - Tonga Bible 1986

³ Pamwenga asani pakubowozga cho chingusoŵa ndipo iyo wakambiyapo utesi ndi kurapa kwakupusika, mu vinthu vyose vyo ŵanthu ŵachita ndi walakwa.

ŴaLevi 6:3 Referans Kwoze

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

Chituwa 23:4

“Asani mukumana ndi ng'ombe ya mphindikwa yinu pamwenga mbunda yake, muyiwezgiyenge ku mweneko.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Yeremiya 7:9

Kumbi mukabanga, mukabayanga, mukareŵanga, mukarapanga kwa utesi, mukawochiyanga Bala sembe, ndi kurondo ŵachiuta ŵanyake wo mulivi kuŵaziŵapo,

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Nthanthi 24:28

Ungachitiyanga ukaboni wakususkamuzengezgani wako kwambura kafukwa, ndipo ungapusikanga cha ndi milomo yako.

Chituwa 28:42

Ndipo mukaŵachitiyanga ŵakateya ŵa saru yakuwolofoka kujara nkhuli yawo; kutuliya mu chiunu kufika mu vigha;

ŴaLevi 1:16

Ndipo iyo wakatuzgangapo chidukuluku ndi mavungwa, ndi kwachivitaya pafupi ndi jochero kuchiri ku vuma, pa malo gha choto.

ŴaLevi 16:4

Wakavwaranga raya lakupaturika la bafuta, ndi wakavwaranga buluku lituŵa pa liŵavu lake. Wakajimangiliyanga mu chiunu lamba mutuŵa, ndi kuvwara khofiya mutuŵa; ivi ndi vivwaro vyakupaturika. Wasambe liŵavu lose mu maji pakuvivwara.

Ezekiele 44:19

Ndipo asani ŵatuliya ku luluwa la kubwalo ku ŵanthu, ŵazuwe vyakuvwara vyo ŵateŵetiyanga, ŵaviŵike mu vipinda vituŵa; ndipo ŵavware maraya ghanyake, mwakuti ŵareke kupereka utuŵa wa vyakuvwara vyawo ku ŵanthu.