ŴaLevi 6:17 - Tonga Bible 1986

¹⁷ Kuti chikawochekanga ndi mtupu cha. Ndachipereka kuŵa phande lawo la mpasku wapa moto, kwangu nchinthu chakupaturika kwakuruska kwakuyana ndi mpasku wapa ulakwi ndi mpasku wapa mlandu.

ŴaLevi 6:17 Referans Kwoze

ŴaLevi 6:25

“Ukambe kwaku Aroni ndi ŵana ŵake, Ili ndi dango la sembe ya ulakwi. Mu malo mwenimo sembe yakocha yabayikiya, ndimo sembe ya ulakwi yibayikiyenge paurongo pa Ambuya: njakupaturika ukongwa.

ŴaLevi 2:11

“Paulevi mpasku wakuchitika ndi mtupu wo mukatoliyanga ku Ambuya; pakuti mukawochangamtupu cha nanga ndi uchi nawo cha kuŵa mpasku wapa moto ku Ambuya.

ŴaLevi 2:3

Ndipo chigaŵa cho chikajangako cha mpasku wa ufwa chikaŵanga chaku Aroni ndi ŵana ŵake. Cho nchigaŵa chakupaturika chakuruska cha mipasku yapa moto ku Ambuya.

ŴaLevi 7:1

“Ili ndilo dangu la sembe ya mamphuru, Njakupaturika ukongwa.

ŴaLevi 6:29

Munthurumi yose mukati mu ŵazukuru wangaziŵa kurghako ichi; nchakupaturika unkongwa.

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

ŴaLevi 7:6

Munthurumi we yose mukati mu ŵazukuru wangaziŵa kurghako; iyi yirghikiyenge mu malo ghakupaturika; njakupaturika ukongwa.

Chituwa 40:10

Mukapakanga so guŵa la sembe yakocha ndi viyaŵi vyake, ndi kupatuwa chiguŵa cha sembe, ndipo jochero la sembe liŵenge lakupaturika kwakuruska.

Chituwa 29:37

Mukachitanga mphepeska mazuŵa ghankhonde ndi ghaŵi chifukwa cha jochero la sembe, ndi kulipatuwa ndipo jochero la sembe likaŵanga lakupaturika kwakuruska; che chose chakukwaska jochero la sembe chikasandukanga kuŵa chakupaturika.

ŴaLevi 6:26

Mzukuru mweniyo watitipereke sembe yapa ulakwi wakayirghanga, wakayirghanga mu malo ghakupaturika mu bwalo la hema lakuwunganamo.

ŴaLevi 7:7

Sembe ya mamphuru, yiyana ndi sembe yapa ulakwi, dangu lake ndimoza; mzukuru mweniyo wachita mphepeska ndiyo yikaŵanga yake.

ŴaLevi 10:16

Sono Mosese wangufumba kwarwana ghapa mbuzi ya mpasku wapa ulakwi, ndipo ehe, yingocheka! Ndipo wangukaripa ukongwa Eleazara ndi Itamara ŵana ŵaku Aroni wo ŵangujapo, kuti,