ŴaLevi 6:16 - Tonga Bible 1986

¹⁶ Ndipo chakujako chose Aroni ndi ŵana ŵake ŵakachirghanga, chikarghikanga chambura mtupu mu malo ghakupaturika; mu bwalo la hema lakuwunganamo.

ŴaLevi 6:16 Referans Kwoze

Ezekiele 44:29

Ŵakarghanga mpasku wa ufwa, mpasku wapa ulakwi, ndi mpasku wa kuparamula; ndi chinthu chose chakupaturikiya kwaku Chiuta mu ŵaYisraele chikaŵanga chawo.

ŴaLevi 2:3

Ndipo chigaŵa cho chikajangako cha mpasku wa ufwa chikaŵanga chaku Aroni ndi ŵana ŵake. Cho nchigaŵa chakupaturika chakuruska cha mipasku yapa moto ku Ambuya.

ŴaLevi 6:26

Mzukuru mweniyo watitipereke sembe yapa ulakwi wakayirghanga, wakayirghanga mu malo ghakupaturika mu bwalo la hema lakuwunganamo.

Chituwa 12:8

Ŵakarghanga nyama ndi usiku weniwo yakocha pamoza ndi chiŵande chambura mtupu ndi munkhwani wachakuŵaŵa.

1 ŴaKorinte 5:8

Viyo tiyeni tichite dghera, ndi mtupu wakali cha, chingana ndi mtupu wa uheni ndi utimbanizi cha, kweni ndi viŵande vizira-mtupu vya urunji ndi uneneska.

ŴaLevi 5:13

Viyo mzukuru wakamuŵeyeliyanga pa ulakwi wo wose wo wakuchita, ndipo wakagowokelekiyanga. Ndipo vyakujapo vikaŵanga vya mzukuru uli ndi mpasku wa ufwa.”

Maŵerengedu 18:8

Ndipo Ambuya angunena ndi Aroni, “Awona, ndakupaska che chose cho nchakusungikiya ku mipasku yakuchitikiya ine, vinthu vyose vyakupaturika vya ŵaYisraele; ndakupaska ivi nge ndi phande, ndi ku ŵana ŵako nge mbuteŵete ŵa muyaya.

ŴaLevi 6:23

Mpasku wose wa ufwa wa mzukuru ukawochekanga ndipo kuti ukarghikanga cha.”

2 Mikoka 31:14

Kore mwana waku Imna mu Levi, mlonda wa likomo laku vuma wenga msungi mura wa mpasku wawanangwa wakuperekeka kwaku Chiuta, kugaŵa phande la muthulu wakuŵikikiya Ambuya, ndi mpasku wakupaturika.