ŴaLevi 4:7 - Tonga Bible 1986

⁷ Ndipo mzukuru wakaŵikanga ndopa zinyake pa masengwe gha jochero la vyachema vyakusunkhizga paurongo pa Ambuya lo le mu hema lakuwunganamo, ndipo ndopa zakujapo za kankhuzi zo, wakadiranga pasina pa jochero la sembe yakocha lo le pa khomo la hema lakuwunganamo.

ŴaLevi 4:7 Referans Kwoze

ŴaLevi 8:15

Ndipo Mosese wanguyibaya, wanguto ndopa, ndipo ndi munwi wake wanguziŵika pa masengwe gha jochero kwakuzunguliya, ndipo wangutozga jochero, wangupunguliya ndopa musina mwa jochero, ndi wanguripatuwa kulichitiya mphepeska.

ŴaLevi 9:9

Ŵana ŵaku Aroni ŵangutole ndopa kwaku iyo, ndipo wangubizga munwi wake mu ndopa ndi kuziŵika pa masengwe gha jochero, wangudira ndopa pasina pa jochero,

ŴaLevi 16:18

Pavuli wakatuliyanga ku jochero lo le paurongo pa Ambuya ndi kulipepeske, ndipo wakatongapo ndopa za nkhuzi ndi za mbuzi, kuziŵika pa masengwe gha jochero kwakuzunguliya.

ŴaLevi 5:9

Ndipo wakawazganga ndopa zinyake za mpasku wapa kwananga kurwande kwa jochero, penipo ndopa zose zakujapo zikadirikanga pasina pa jochero; ndi mpasku wapa kwananga.

ŴaLevi 4:34

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha, ndi kudira ndopa zake zakumapo pasina pa jochero.

ŴaLevi 4:18

Ndipo wakaŵikanga ndopa zo zinyake pa masengwe gha jochero lo le mu hema lakuwunganamo paurongo pa Ambuya, ndipo ndopa zakujapo wakadiranga pasi pasina la jochero la mpasku wakocha lo le pa khomo la hema lakuwunganamo.

ŴaLevi 4:30

Ndipo mzukuru wakatonga ndopa zinyake za mbuzi ndi munwi wake ndi kuziŵika pa masengwe gha jochero la mpasku wakocha, ndi kudira ndopa zose zakujapo pasina pa jochero.

ŴaHebere 9:21

Ndipo kwakulingana so wangumijiya ndi ndopa zo chihema cho ndi viyaŵi vyose vyaku teŵete.

ŴaHebere 9:15

Ndipo pa chifukwa chenichi ndiyo mwendapakati wa chipanganu chifya, viyo kuti yati yaŵapo nyifwa yakwachipepeske pa maujumphi ghapa chipanganu chakudanga wo ŵadanika ŵarondenge phanganu lo la chihara chamuyaya cho.

ŴaEfeso 2:13

Kweni sono mwaku Kristu Yesu imwe, mwaŵakuŵa kutari kali, mwanderezgeka kufupi mu ndopa zaku Kristu.

Sumu 118:27

Ambuya ndiyo Chiuta; ndiuo watipaska ukweru. Ndi vivwati vya miti mu manja yambani dghera, kurazga ku masengwe gha chiguŵa!

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

ŴaLevi 4:25

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha.

ŴaLevi 6:30

Kweni paulevi sembe yapa ulakwi yo yikarghikanga mwaku yo ndopa zose zatoreke mu hema lakuwunganamo kwa chipepeske mu malo ghakupaturika; yikawochekanga ndi moto.

Chituwa 29:12

Ndipo ukatonga chigaŵa cha ndopa za nkhuzi yo ndi kuziŵika pa masengwe gha chiguŵa cha sembe ndi munwe wako, ndipo ndopa zose zakujapo mukadiranga musina mu chiguŵa cha sembe.

ŴaLevi 1:5

Ndipo wakabayanga nkhuzi yo paurongo pa Ambuya; ndipo ŵana ŵaku Aroni ŵazukuru wo, ŵakarongonga ndopa zo, ndipo ŵakawazganga kwakuzunguliya uku ndi uku pa jochero la sembe lo le pa khomo pa hema lakuwunganamo.