ŴaLevi 4:35 - Tonga Bible 1986

³⁵ Ndipo mafuta ghake watuzgengemo uli ndimo mafuta gha mwana mberere ghatuzgikiyamo mu mpasku wa chimangu. Ndipo mzukuru wakawochanga gho pa jochero pachanya pa mpasku wapa moto ku Ambuya. Viyo mzukuru wakamuŵeyeriyanga iyo chifukwa cha ulakwi wo wachita, ndipo wakagowokelekiyanga.”

ŴaLevi 4:35 Referans Kwoze

ŴaLevi 4:26

Ndipo mafuta ghake ghose wakawochanga pa jochero uli ndi mafuta gha mpasku wa chimangu; Viyo mzukuru wakamupepeskiyanga ulakwi wake, ndipo wakagowokelekiyanga.

ŴaLevi 4:20

Viyo ndimu wakachitiyanga ndi nkhuzi; nge ndimo wanguchitiya ndi nkhuzi ya mpasku wapa ulakwi, viyo ndimu wakachitiyanga ndi uwu, ndipo mzukuru wakapepeskiyanga iwo, ndipo ŵakagowokelekiyanga.

ŴaLevi 14:18

ndipo mafuta ghose ghanyake gho ghe mu janja la mzukuru wakapakanga pa mutu paku yo wakatozgekanga. Ndipo mzukuru wakamuchitiyanga mphepeska paurongo pa Ambuya.

ŴaLevi 6:7

Ndipo mzukuru wakamuŵeyeliyanga paurongo pa Ambuya, ndipo iyo wakagowokelekiyanga pa chinthu che chose cho munthu wanguchita ndiwanguŵa ndi mlandu.”

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaKolose 1:14

mwaku mweniyo te nawo uwombozi kuchireke cha vilakwa.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaRoma 10:4

Chifukwa kwaku yose wakuvwana Kristu mbumari wa langulu laku urunji.

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

ŴaRoma 4:25

mweniyo wangukomboleke pa chifukwa cha vilakwa vidu, ndipo wanguyuskikiya pa chifukwa cha kurunjiskika kwidu.

Maŵerengedu 15:25

Ndipo mzukuru wakapepeskiyanga wumba wose wa ŵaYisraele, sono Ambuya akaŵagowokiyanga, chifukwa kwenga kuwura kuziŵa, ndipo ŵapereke mpasku wawo, mpasku wapa moto ku Ambuya, ndi mpasku wawo wapa ulakwi pa maso pa Ambuya, chifukwa cha kuwura kuziŵa kwawo.

ŴaLevi 14:53

ndipo wakaphururiskiyanga kayuni kamoyo kubwalo kwa msumba kuti karutenge; viyo ndimu wakapepeskiyanga nyumba yo ndipo yikaŵanga yakutozgeka.”

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 9:7

Sono Mosese wanguti kwaku Aroni, “Ndere kufupi ku jochero, upereke mpasku wako wapa ulakwi ndi mpasku wako wakocha, ujipepeske wamweni ndi ŵanthu wo. Uzi ndimpasku wa ŵanthu kuti uŵachitiye mphepeska; uli ndimo Ambuya akulanguliya.”

ŴaLevi 5:13

Viyo mzukuru wakamuŵeyeliyanga pa ulakwi wo wose wo wakuchita, ndipo wakagowokelekiyanga. Ndipo vyakujapo vikaŵanga vya mzukuru uli ndi mpasku wa ufwa.”

ŴaLevi 5:10

Sono wakaperekanga kachiŵi kuŵa mpasku wakocha kwakuyana ndi langulu. Mzukuru wakamuŵeyeriyanga pa chifukwa cha ulakwi wo wakuchita ndipo wakagowokelekanga.

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

Maŵerengedu 15:28

Ndipo mzukuru wakapepeskiyanga munthu yuwa paurongo pa Ambuya, yo walakwa kwambura kuziŵa, kumupepeske iyo, ndipo Ambuya akamugokiyanga.

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

ŴaLevi 19:22

Ndipo mzukuru wamupepeskiyenge ndi bira wa sembe yapa mrando paurongo pa Ambuya, chifukwa cha ulakwi wake wo wachita. Ndipo ulakwi wo wachita ugowokerekenge kwaku iyo.