ŴaLevi 4:32 - Tonga Bible 1986

³² “Asani wakazanga ndi mwana wa mberere kuŵa mpasku wake, wakazanga ndi kanthukazi, kambura kalema.

ŴaLevi 4:32 Referans Kwoze

ŴaLevi 4:28

penipo ulakwi wo wachita waziŵikwa kwaku iyo, wakazanga ndi mbuzi yinthukazi yambura kalema chifukwa cha ulakwi wake wo wachita.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

Chivumbuzi 5:6

Ndipo ndinguwona pakati pa chitengu-chaufumu ndi vyamoyo vyo vinayi, ndi mukati mu ŵara wo, Mwana-mberere wakumapo, ulaka nge wangubayika, wakuŵa ndi sengwe nkhonde ndi ziŵi ndi maso ghankhonde ndighaŵi, ghenigho mbazimu ŵankhonde ndi ŵaŵi ŵaku Chiuta, ŵakutumika mu charu chose.

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

Yohane 1:36

ndipo wachilereska dodoli paku Yesu wachenda, watiti, “Awonani, MwanaMberere waku Chiuta!”

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Yesaya 53:7

Wangusuzgika, ndi wangusunjizgika, kweni kuti wangubanuwa mlomo wake cha; nge ndi mberere yakurongozgeke kukubayika, ndi uli ndi mberere yo yili cheti paurongo pa ŵakuyisanga, viyo kuti wangubanuwa mlomo wake cha.

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

Chituwa 12:5

Mberere yinu yiŵenge yambura kalema, yinthurumi ya chirimika chimoza, muyitonge ku mberere pamwenga ku mbuzi;

Chituwa 12:3

Munene wumba wose wa ŵaYisraele kuti pa zuŵa la chumi la mwezi uwu ŵakatonga munthu we yose mberere kwakulingana ndi nyumba za auskeu, mberere yimoza pa nyumba yimoza:

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.