ŴaLevi 4:26 - Tonga Bible 1986

²⁶ Ndipo mafuta ghake ghose wakawochanga pa jochero uli ndi mafuta gha mpasku wa chimangu; Viyo mzukuru wakamupepeskiyanga ulakwi wake, ndipo wakagowokelekiyanga.

ŴaLevi 4:26 Referans Kwoze

ŴaLevi 4:20

Viyo ndimu wakachitiyanga ndi nkhuzi; nge ndimo wanguchitiya ndi nkhuzi ya mpasku wapa ulakwi, viyo ndimu wakachitiyanga ndi uwu, ndipo mzukuru wakapepeskiyanga iwo, ndipo ŵakagowokelekiyanga.

Maŵerengedu 15:28

Ndipo mzukuru wakapepeskiyanga munthu yuwa paurongo pa Ambuya, yo walakwa kwambura kuziŵa, kumupepeske iyo, ndipo Ambuya akamugokiyanga.

ŴaLevi 5:10

Sono wakaperekanga kachiŵi kuŵa mpasku wakocha kwakuyana ndi langulu. Mzukuru wakamuŵeyeriyanga pa chifukwa cha ulakwi wo wakuchita ndipo wakagowokelekanga.

ŴaLevi 4:35

Ndipo mafuta ghake watuzgengemo uli ndimo mafuta gha mwana mberere ghatuzgikiyamo mu mpasku wa chimangu. Ndipo mzukuru wakawochanga gho pa jochero pachanya pa mpasku wapa moto ku Ambuya. Viyo mzukuru wakamuŵeyeriyanga iyo chifukwa cha ulakwi wo wachita, ndipo wakagowokelekiyanga.”

ŴaLevi 4:31

Mafuta ghake wakatuzgangamo uli ndimo mafuta ghatuzgikiyamo mu mpasku wa vyachimangu ndipo mzukuru wakawochanga gho pa jochero, kuŵa fungu lakukondweska Ambuya. Mzukuru wakaŵeyeriyanga iyo ndipo wakagowokelekiyanga.

ŴaLevi 3:5

Sono ŵana ŵaku Aroni wakawochanga vyo pa jochero, pachanya pa mpasku wakocha wo we pachanya pankhuni za pa moto. Ndi mpasku wapa moto, fungu lake ndakukondweska Ambuya.

ŴaLevi 6:7

Ndipo mzukuru wakamuŵeyeliyanga paurongo pa Ambuya, ndipo iyo wakagowokelekiyanga pa chinthu che chose cho munthu wanguchita ndiwanguŵa ndi mlandu.”

ŴaLevi 5:18

Wakatolenga ku mzukuru bira wambura kalema kutuwa ku mskambu wakupimika mtengo ndi iwe kwakuyana ndi mtengo wa sembe yapakwananga, ndipo mzukuru wakamuweyeliyanga pa kuchimwa kweniko wakuchita kwambura kuziŵa ndipo wakagowokelekiyanga.

ŴaLevi 5:16

Yo munthu wakalipanga so paku cho wakuchita uheni mu vituŵa vyaku Chiuta; ndipo wakasazgiyangapo chigaŵa chimoza cha chinkhonde ndi kuchipaska ku mzukuru. Viyo mzukuru wakamuŵeyeliyanga ndi bira, sembe ya kwananga ndipo wakagowokelekiyanga.

ŴaLevi 5:13

Viyo mzukuru wakamuŵeyeliyanga pa ulakwi wo wose wo wakuchita, ndipo wakagowokelekiyanga. Ndipo vyakujapo vikaŵanga vya mzukuru uli ndi mpasku wa ufwa.”

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

ŴaLevi 4:19

Ndipo mafuta ghake ghose gho wakatonga kwaku yo wakaghawochanga pa jochero.

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 14:18

ndipo mafuta ghose ghanyake gho ghe mu janja la mzukuru wakapakanga pa mutu paku yo wakatozgekanga. Ndipo mzukuru wakamuchitiyanga mphepeska paurongo pa Ambuya.

2 Mikoka 29:24

ndipo ŵazukuru ŵanguŵabaya, ndi ŵanguto ndopa zawo ndi kuchita nazo sembe ya ulakwi pa jochero, kusopaniska Yisraele yose. Chifukwa karonga wangulangula kuti sembe yakocha ndi sembe ya ulakwi zichitikiye Yisraele yose.

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

ŴaLevi 17:11

Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

ŴaLevi 19:22

Ndipo mzukuru wamupepeskiyenge ndi bira wa sembe yapa mrando paurongo pa Ambuya, chifukwa cha ulakwi wake wo wachita. Ndipo ulakwi wo wachita ugowokerekenge kwaku iyo.

Maŵerengedu 15:25

Ndipo mzukuru wakapepeskiyanga wumba wose wa ŵaYisraele, sono Ambuya akaŵagowokiyanga, chifukwa kwenga kuwura kuziŵa, ndipo ŵapereke mpasku wawo, mpasku wapa moto ku Ambuya, ndi mpasku wawo wapa ulakwi pa maso pa Ambuya, chifukwa cha kuwura kuziŵa kwawo.

Ezekiele 43:22

Ndipo pa zuŵa la chiŵi ukaperekanga chiphongo chambura kalema kuŵa mpasku wapa ulakwi; ndipo jochero likaphotorekanga, nge ndimo linguphotoreke pa mpasku wa nkhuzi.