ŴaLevi 4:24 - Tonga Bible 1986

²⁴ Wakaŵikanga janja lake pa mutu wa mbuzi, ndi kuyibaya mu malo ghenigho ŵabayiya mpasku wakocha paurongo pa Ambuya, ndi mpasku wapa ulakwi.

ŴaLevi 4:24 Referans Kwoze

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

ŴaLevi 16:15

“Pavuli, wakabayango mbuzi ya sembe yapa ulakwi yo njapa ŵanthu, wakazanga ndi ndopa zake kurutiya chivwinkhu, ndi kuchita nazo ndopa izi uli ndimo wanguchitiya ndi ndopa za nkhuzi, wakaziwazganga panthazi pa chitengo cha lisungu ndi kuchiri kuno kwa chitengo cha lisungu;

ŴaLevi 7:2

Mu malo mwenimo wabayiya sembe yakocha, ndimo wakabayiyanga sembe ya mamphuru, ndipo ndopa zake zikadiridanga pa jochero kwakuzunguliya lo.

ŴaLevi 6:25

“Ukambe kwaku Aroni ndi ŵana ŵake, Ili ndi dango la sembe ya ulakwi. Mu malo mwenimo sembe yakocha yabayikiya, ndimo sembe ya ulakwi yibayikiyenge paurongo pa Ambuya: njakupaturika ukongwa.

ŴaLevi 3:13

Ndi kuŵika janja lake pa mutu wake, ndi kuyibaya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya lo.

ŴaLevi 3:8

pakuŵika janja lake pa mutu wa nyama yo ndi kuyibayiya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya.

ŴaLevi 3:2

Ndipo wakaŵikanga janja lake pa mutu wa chakuperekeka chake ndi kuyibayiya pa khomo la hema lakuwunganamo, ndipo ŵana ŵaku Aroni ŵazukuru ŵakadiranga ndopa ku jochero kwakuzunguliya.

ŴaLevi 1:11

Ndipo wakayibayiyanga kuchiri ku nkhonde kwa jochero paurongo pa Ambuya, ndipo ŵana ŵaku Aroni ŵazukuru ŵakadiranga ndopa zake pa jochero kwakuzunguliya.

ŴaLevi 1:5

Ndipo wakabayanga nkhuzi yo paurongo pa Ambuya; ndipo ŵana ŵaku Aroni ŵazukuru wo, ŵakarongonga ndopa zo, ndipo ŵakawazganga kwakuzunguliya uku ndi uku pa jochero la sembe lo le pa khomo pa hema lakuwunganamo.

Chituwa 29:38

“Sono ivi ndivyo mukapaskanga pa jochero la sembe: tumberere twa virimika viŵi, zuŵa ndi zuŵa kwambura kurekezga.

ŴaLevi 14:13

Ndipo wakabayanga mberere yo mu malo mo ŵabayiya mpasku wapa ulakwi ndi mpasku wakocha, mu malo ghakupaturika; pakuti mpasku wa kwananga nge ndi mpasku wapa ulakwi, ngwamzukuru ngwakupaturika kwakuruska.

2 ŴaKaronga 12:16

Ndrama zakutuliya ku mipasku ya pa ulakwi ndi mipasku yapa uheni kuti zingutoleke mu nyumba ya Ambuya cha, iyi yenga ya ŵazukuru.

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

ŴaLevi 6:18

Munthurumi we yose mu ŵana ŵaku Aroni wangarghako ichi ndimo kukulangulikiya muyaya mu migonezi yinu, kutuwa ku mpasku wapa moto wa Ambuya. Munthu we yose wakuviko wakaŵanga wakupaturika.”

ŴaLevi 6:22

Mzukuru mwana waku Aroni yo wakupakika kuhara iyo, wakaperekanga cho ku Ambuya, uli ndimo kukulangulikiya muyaya; chikawochekanga chose.

2 Mikoka 29:23

Ndipo ŵanguto ŵaphongo kuŵa sembe ya ulakwi, ŵanguŵatore ku karonga ndi ku wumba, ndi ŵanguŵika manja ghawo paku wo,