ŴaLevi 27:30 - Tonga Bible 1986

³⁰ “Msonkho wose wa chichumi cha vyamu charu, manyi ngwa mbeu yamu minda, pamwenga wa vipasi vya miti, ngwa Ambuya; ngwakupaturika ku Ambuya.

ŴaLevi 27:30 Referans Kwoze

Chiyambo 28:22

Ndipo mwa uwu, weniwo ndamika kuŵa chichiri, ukaŵanga nyumba yaku Chiuta; ndi kwaku vyose vyenivyo mukandipaskanga ndikapaskanga cha chichumi kwinu.”

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Nehemiya 13:12

Sono ŵaYuda wose ŵanguza ndi vya chichumi vya kurgha, vinyo, ndi mafuta mu nyumba zambiku.

Luka 18:12

Ndifunga kaŵi mu sabata; ndipaskaku chakuchumikiya chaku vyose vyenivyo nditanduwa.’

2 Mikoka 31:12

Ŵanguza nayo mithulu kwamagomekezgeka, vyachichumi ndi vinthu vyakupaturika. Wakulamula mura waku vyo wenga Konaniya muLevi. Simeyi mbali wake, wenga wachiŵi;

Chiyambo 14:20

ndi watumbikike Chiuta Wapachanya Limu mweniyo wapereka ŵarwani ŵako mu janja lako.” Ndipo Abramu wangupaska iyo cha chichumi cha mu vinthu vyose.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Nehemiya 13:5

wangurongosole Tobiya chipinda chikuru mwenimo kale ŵaŵikangamo mipasku ya ufwa, vyachema, viyaŵi, ndi vya chichumi vya vyakurgha, vinyo, ndi mafuta, vyenivyo vingupaskika ndi langulu ku ŵaLevi, ŵakumba, ndi ŵasungi malikomo, ndi vyaulera vyakupaskikiya ŵazukuru.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

ŴaLevi 27:29

Paulevi munthu yo wajipereke limu kukubayika mukati mu ŵanthu ŵake, ŵakawombolekanga; wakabayikanga nadi.

ŴaLevi 27:31

Asani munthu wakhumba kuwombo kanthu kose ka chichumi cho, wakasazgiyangako chigaŵa chimoza cha vinkhonde.

Marangu 18:8

Wakaŵanga ndi mweso wakuyana wakurgha, pade paku vyo waronde pakusaska chihara chake.

Marangu 26:12

“Penipo mutakuti mwamara kulipa vya chichumi vinu vyose vyakusakata kwinu, mu chirimika cha chitatu cho nchirimika chakupereke vya chichumi, kuvipaska ku muLevi, mlendo, wamasiya, ndi choko, kuti ŵarghe ndi ŵaguti,

Chiyambo 47:24

Ndipo pakuvuna mukapaskanga chigaŵa cha chinkhonde kwaku Farao ndipo vigaŵa vinayi vikaŵanga vinu, kuŵa mbeu yamu minda ndi kurgha kwaku mwaŵeni ndi ŵamu nyumba zinu, ndipo kuŵa chakurgha cha malitema ghinu.”

Chiyambo 47:26

Viyo Yosefe wanguchita dangu lapa charu cha Egipiti ndipo lichalipo mpaka msana wale, kuti Farao wapaskike chigaŵa chachinkhonde; charu cha ŵazukuru pe kuti chinguŵa chaku Farao cha.