ŴaLevi 26:39 - Tonga Bible 1986

³⁹ Ndipo ŵa mwaku imwe wo ŵakajangapo ŵakachitanga liwondi-wondi mu vyaru vya ŵarwani ŵinu chifukwa cha uheni wawo; ndi chifukwa cha mauheni gha auskeu nge ndi wo.

ŴaLevi 26:39 Referans Kwoze

Ezekiele 4:17

Ndichitenge ichi ŵakasoŵanga chiŵande ndi maji, ŵakalereskananga mu kuzizwa yumoza ndi munyake, mukulangika kwawo ŵawondenge.”

Ezekiele 33:10

“Iwe, mwana wa munthu, kamba ku ŵaYisraele, Imwe mukamba kuti: ‘Mamphuru ghidu ndi vyakwananga vidu vye paku ifwe, ndipo tawonda navyo liwondi-wondi; na tingaŵa uli ndi umoyo?’

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Marangu 28:65

Ndipo mukati mu mitundu iyi kuti mukasaniyanga uyuyu cha, ndipo kuti mwazamupumuwa cha, kweni Ambuya akamupaskaninga muwa mtima wakumbwambwantha ndi maso gha ndandi ndi umoyo wakusuzgika.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Zekariya 10:9

Chingana ndaŵambininiskiya mu ŵa mitundu, ndipuuli mu vyaru vyakutali ŵandikumbukenge, ŵajenge pamoza ndi ŵana ŵawo, ndi ŵakawenga.

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Ezekiele 18:19

“Kweni ndipuuli imwe mutiti, ‘Warekiyengenji kusuzgika mwana pa chifukwa cha uheni wa awiske?’ Asani mwana wachita cho nchadangu ndi chakurunjika, ndipo waŵa wakuphwere kusunga virunguchizgu vyangu vyose, nadi wakajanga ndi umoyo.

Chitenje 4:9

Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

Yeremiya 31:29

Mu mazuŵa ghenigho kuti ŵazamukamba so cha: ‘Auskeu ŵargha vipasi vyakuŵaŵa, ndipo minyu gha ŵana ghachita uyeyera.’

Yeremiya 29:12

Po ndipo mukandananga paku ine ndi mukazanga kuromba kwaku ine; ndipo ndikamuvwaninga.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

Marangu 30:1

“Ndipo penipo vinthu ivi vyose vituza paku imwe, thumbiko ndi thembo vyo ndiviŵika paurongo pinu, mukavikumbukanga mukati mu mitundu yose mwenimo Ambuya amudikiskiyani.

Marangu 5:9

Ungavilambiyanga chingana nkhuvitataliya, chifukwa ine, Ambuya Chiuta wako, nde Chiuta wa sanji, wakusiskiya uheni wa auskeu pa ŵana mpaka mgonezi wa chitatu ndi wachinayi wakuŵeniwo ŵatinditinkha,

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Yesaya 14:21

Rongosoni kubaya ŵana ŵake chifukwa cha kulakwa kwa auskeu, vinu ŵangayuka ndi kuhara charu chapasi, kuzaza chisku cha charu chapasi ndi mizi.”

Yesaya 24:16

Kutuwa ku vigoti vya charu chapasi tituvwa sumu zakurumba za unkhankhu ku Mrunji Yumoza yo. Kweni ine ndititi, “Ndawonda ndi chitima, ndawonda ndi chitima. Owe ine! Pakuti ŵakupusika ŵachita vyakupusika, ŵakupusika ŵachita vyakupusika ukongwa.”

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Marangu 8:20

Nge ndimo mitundu yo Ambuya ayiparghang'iya pa nthazi pinu, ndimo namwe muparghang'ikiyenge chifukwa chakureka kuvwiya mazu gha Ambuya Chiuta winu.

2 Mikoka 34:24

Ambuya atiti, Onani, ndizenge ndi uheni pa malo ghano ndi pa ŵanthu ŵake, inya matembo ghose gho ghakulembeka mu buku la laŵerengeka paurongo pa karonga waku Yuda.

Ezra 9:7

Kutuwa ku mazuŵa gha ŵambuyafwe taja mu ubudi ukuru kufika zuŵa linu; ndipo chifukwa cha uheni widu, ifwe, ndi ŵakaronga ŵidu, ndi ŵazukuru ŵidu, taperekeka mu manja gha ŵakaronga ŵa vyaru vinyake, ndi ku lipanga ndi ku umkoli, ndi kukuskoŵeka, ndi kujirengeska taŵeni mo kwaŵiya msana wale.