ŴaLevi 26:37 - Tonga Bible 1986

³⁷ Ŵakaguŵanga uyu mu munyake, nge mbakuthaŵa lipanga, chingana palivi wakuŵandondoloska; ndipo mukawulangavi nthazi zakumiya paurongo pa ŵamawongo ŵinu.

ŴaLevi 26:37 Referans Kwoze

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Yeremiya 37:10

Pakuti chingana mungapunda nkhondo yose ya ŵaKaldiya wo ŵaturwana namwe, ndi ŵangajako mukati mwawo ŵakurasika pe munthu we yose mu hema lake, wayukenge ndi kocha msumba uwu ndi moto.’ ”

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

Maŵerengedu 14:42

Mungakweriyangako cha vinu mungapumika ndi ŵarwani ŵinu, pakuti Ambuya ŵalivi kwenda pamoza namwe.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Yeremiya 6:21

Chifukwa cho atiti Ambuya; ‘Ehe, ndikaŵikanga paurongo pa ŵanthu yaŵa viguŵisku mwaku vyo ŵakaguŵanga: ŵawiskeu ndi ŵana ŵanthurumi pamoza, muzengezgani ndi bwezi ŵakamaranga.’ ”

Yeremiya 46:16

Ŵanandi ŵaku imwe ŵanguguŵa ndi ŵanguwa, ndipo ŵangukambirana yumoza ndi munyake kuti, ‘Sokani, tiweriyenge ku ŵanthu ŵidu ndi ku charu cha kawi kidu, chifukwa cha lipanga la wakusuzga?’

Nahumu 3:3

Ŵapakavalo ŵarotoka, ndi lipanga lakugabuka ndi mkondo wakuphurika, ŵakubayika mbanandi, ndundu za vitanda, vitanda vyambura kumara-ŵaguŵa mu vitanda pakwenda!

1 Samuele 4:2

ŴaFilisti ŵangundanda mu mzere kumikana ndi ŵaYisraele, ndipo nkhondo yinguti yatandazgika ŵaFilisti ŵangupunda ŵaYisraele, ŵangubaya ŵanthu akhumba vikwi vinayi (4,000) pa malo gha nkhondo.