ŴaLevi 26:33 - Tonga Bible 1986

³³ Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

ŴaLevi 26:33 Referans Kwoze

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Ezekiele 20:23

Ndipo so ndinguŵarapiyamu bozwa kuti ndikaŵambininiskiyanga mu mitundu ndi kuŵaparghang'iya mu vyaru vinyake,

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Ezekiele 22:15

Ndikumbininiskiyenge mukati mu mitundu ndi kukuparghang'iya mu vyaru, ndipo ndikamaranga ukazuzi mwaku iwe.

Sumu 44:11

Mwatipereka nge ndi mberere zakubayika, ndipo mwatimbininiskiya mukati mu mitundu,

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Chitenje 4:15

Ŵanthu ŵangubongo viyo paku iwo, “Tuwanipo! Mwaŵakukazuzgika! Tuwanipo, tuwanipo, mungakwaskanga cha!” Viyo ŵangusanduka ŵakuthaŵathaŵa ndi ŵakuyingayinga; ŵanthu ŵanguti mukati mu mitundu, “Kuti ŵakajanga so nafwe pamoza cha.”

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

2 Mikoka 7:19

Kweni asani urazga kunyake, kureka vipangizgu vyangu ndi marangu ghangu vyo ndaŵika paurongo pako, ndi kuruta kwa chiteŵete ŵachiuta ŵanyake ndi kuŵasopa iwo,

Nehemiya 1:8

“Kumbukani mazu ghinu gho mungulanguliya mteŵeti winu Mosese ghakuti, ‘Asani mukaŵanga ŵambura magomekezgeka ndikakumbininiskiyaninga mu mitundu ya ŵanthu;

Sumu 106:27

ndi kumbininiskiya mphapu yawo mu mitundu, alinga kuti ŵakafwiye mu vyaru vya chilendo.

Yesaya 1:7

Charu chinu nchamapopa, mizi yinu yocheka ndi moto; mu maso ghakumwaŵeni ŵalendo ŵaphwanya charu chinu; nchamapopa, nge chatereskeke ndi ŵalendo.

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 13:24

Ndimumbininiskeninge nge ndi mwere wakuputiskika ndi mphepo kutuwa ku bozwa.

Yeremiya 15:4

Ndipo ndikaŵachitanga chakofya ku maufumu ghose mu charu, chifukwa chaku cho Manase mwana waku Hezekiya karonga waku Yuda, wanguchita mu Yerusalemu.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Amosi 9:4

Chingana ŵangaruta ku umkoli pamaso gha ŵarwani ŵawo, ndamulanguliya lipanga, ndipo lakuŵabaya kweniko; ndipo ndilereskenge maso ghangu paku iwo, kuŵachitiya uheni, kweni kuŵachitiya umampha cha.”

1 ŴaKaronga 8:46

“Asani ŵakulakwiyani pakuti palivi munthu yo wareka kulakawa ndipo imwe mwaŵatundiriya, ndi kuti mutuŵapereka ku ŵakupindikana, viyo kuti ŵayoreke ku uŵanda ku charu cha ŵakupindikana, kutali pamwenga pafupi,

2 ŴaKaronga 25:9

Ndipo wangocha nyumba ya Ambuya ndi nyumba ya karonga ndi nyumba zose zamu Yerusalemu, nyumba yose yikuru wangoche pasi.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Estere 3:8

Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Sumu 44:12

mwaguliska ŵanthu ŵinu kwambura usambasi, ndipo kuti mwaŵaguliska ndi mtengo wapatali cha.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 8:3

Nyifwa yikarumbikanga kwakuruska umoyo ndi wose ŵakujapo wo ŵakajangapo ŵa mbumba iyi yiheni mu malo ghose mwenimo ndaŵadikiskiya, atiti Ambuya ŵa maŵanja.

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Chitenje 4:16

Ambuya ŵeneko aŵambininiska, kuti akaŵakhumbanga so cha; ulemu wengavi kupaskika ku ŵazukuru, ŵaraŵara kuti ŵanguŵaphwere cha.

Ezekiele 12:20

Ndipo misumba yakuzaza ŵanthu, yipasuke, charu chikaŵanga phasulu; ndipo mukaziŵanga kuti ine ndine Ambuya.”

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.