ŴaLevi 26:31 - Tonga Bible 1986

³¹ Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

ŴaLevi 26:31 Referans Kwoze

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

ŴaHebere 10:26

Chifukwa asani tilakwiya ncheni pavuli pa kuronde mziŵiru wa uneneska wo, kuti ujako so cha mpasku wapa chifukwa cha vilakwa,

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.

Chitenje 2:7

Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Chitenje 1:10

Murwani watambaruwa manja ghake pa vinthu vyake vyakuzirwa vyose, inya, wawona mitundu yibwanganduwa malo ghake ghakupaturika, ŵeniwo imwe mungukanizga kusere mu maunganu ghinu.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Machitidu gha Ŵakutumika 6:14

chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.”

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Ezekiele 21:15

alinga kuti mitima yawo yisongonoke, ndipo ŵanandi ŵawe pamalikomo ghawo ghose. Ndapereka lipanga lakugadima; inya! Likupangika nge ndi limphezi, likupuputikiya kubaya.

Ezekiele 21:7

Ndipo po ŵakakambanga nawe kuti, ‘Utamanthiyanji?’ iwe unene kuti, ‘Chifukwa cha makani. Ghatakuti ghaza, mtima wose ukasongonokanga manja ghose ghakaŵanga ghambura nthazi, mzimu wose ukakomokanga ndipo makongono ghose ghakazizilanga nge ndi maji, Ehe, ghatuza ndipo ghakafiskikanga,’ ” atiti Ambuya Chiuta.

Ezekiele 6:6

Kweniko kose muja misumba yinu yikapasukanga, malo ghinu gha pachanya ghazgokenge mapopa, viyo kuti majochero ghinu ghakapasukanga ghakaŵanga mayiyi, ŵangoza ŵinu kufyoka ndi kuparghangika, majochero ghinu gha vyakusunkhizga ghakadumulikiyanga pasi, nchitu zinu zikamaranga.

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

Yeremiya 26:9

Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Yeremiya 22:5

Kweni asani kuti mukaphwerenga mazu yagha cha, ndajirapiska, atiti Ambuya, kuti nyumba iyi yikaŵanga mapopa.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yesaya 1:7

Charu chinu nchamapopa, mizi yinu yocheka ndi moto; mu maso ghakumwaŵeni ŵalendo ŵaphwanya charu chinu; nchamapopa, nge chatereskeke ndi ŵalendo.

Nehemiya 2:17

Pavuli ndinguti kwaku wo, “Muwona suzgo yo tilimu, mo Yerusalemu walili ngwakuphwanyika ndi malikomo ghake ghakufya. Zaninga tizenge linga la Yerusalemu, alinga tireke kuwereka ndi lilengu.”

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

2 ŴaKaronga 22:19

chifukwa mtima wako wenga wakuzomera, ungujiyuyuwa paurongo pa Ambuya, unguti wavwa mo ndingukambiya kumikana ndi malo yagha, ndi kumikana ndi ŵakujamo mwaku gho, kuti ŵakaŵanga mapopa ndi thembu ndipo iwe unguparuwa vivwaro vyako ndipo unguliya paurongo pangu, Ine nane ndakuvwa, atiti Ambuya.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 63:18

Ŵanthu ŵinu ŵakupaturika ŵanguja mu malo ghinu ghatuŵa nyengo yimanavi; ŵakupindikana ŵidu ŵaghapwatiya pasi.

Yeremiya 44:2

“Viyo atiti Ambuya ŵa maŵanja, Chiuta waku Yisraele: Mwawona uheni wose wo ndikutole pa Yerusalemu, ndi pa misumba yose yaku Yuda. Ehe, msana wale nja mapopa, ndipo palivi yumoza yo wajamo mwaku yo,

Yeremiya 44:6

Chifukwacho ukari wangu ndi kukwiya kwangu vingudika ndi vingukole mu msumba yaku Yuda ndi mu miseu ya Yerusalemu; ndipo vinguŵa phasulu ndi mapopa, nge ndimo kuliri msana wale.

Danyele 2:46

Viyo karonga Nebukadanezara wanguwa kavunama, kulambiya Danyele, ndipo wangulangula kuti sembe ndi vya chema vipasikeke kwaku iyo.

Amosi 7:9

malo gha pachanya ghaku Yisaki ghakapasukanga, ndi malo ghakupaturika ghaku Yisraele ghakanangikanga, ndipo ndiyukiyenge nyumba yaku Yeroboamu ndi lipanga.”

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

Yeremiya 4:26

Ndingulereska, ndi ehe, charu cha minda chingusanduka bozwa, ndipo mizi yake yose yingupopeskeka paurongo pa Ambuya, paurongo pa ukari wawo wakofya.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

Ezekiele 12:20

Ndipo misumba yakuzaza ŵanthu, yipasuke, charu chikaŵanga phasulu; ndipo mukaziŵanga kuti ine ndine Ambuya.”