ŴaLevi 26:28 - Tonga Bible 1986

²⁸ iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

ŴaLevi 26:28 Referans Kwoze

Yesaya 59:18

Kwakulingana ndi nchitu zawo, ndimu ŵakaŵawezgiyanga, ukari ku ŵakupindikana ŵake, kuwezge thayu ku ŵamawongo ŵake; ku vyaru vya mu malikumba gha nyanja wakawezgiyanga nduzga.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Ezekiele 5:15

Mukaŵanga chakuwereka, ndi chakunyozeka, sunjizgu ndi chakuyeyeka, ku mitundu yakumuzingirizgani, penipo ndiŵika cheruzgu paku imwe mu ukari ndi kandundu kangu, ndi kulengika kwakofya ine, Ambuya, ndakamba;

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

Yeremiya 21:5

Ine ndamweni ndikarwanga namwe ndi janja lakutambaruwa ndi janja la nthazi, mu ukari, mu ufyu, ndimwakufya mtima ukongwa.

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yesaya 63:3

“Ndakanda mphereska ndija mu mbuli, ndipo pengavi munthu yumoza yo wenga pamoza nane, ndinguzikanda mu ukari wangu, ndinguziphwata mu kukara kwangu; viyo ndipo za umoyo wawo zaŵalikiya mu maraya ghangu, ndipo zazumbwiska vivwalo vyangu.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Yesaya 27:4

Kweni kuti ndisaniya vinyo cha. Mphanyi ndinguŵa ndi minga ndi kankhande, ndatinge ndirwenge nawo nkhondo ndi kuwocha wose.

ŴaLevi 26:24

iku ine nane nkhayendanga kwakupambana namwe, ndipo ine ndamweni ndikamupumaninga kuwerezgapo so kankhonde ndi kaŵi, chifukwa cha maulakwi ghinu.

ŴaLevi 26:27

“Ndipo asani kuti mukandivwiyanga cha pavuli pakuwona vyose ivi, kweni mukayendanga kwakupambana nane,

ŴaLevi 26:41

viyo kuti nane so ndingwenda kwakupambana nawo, ndi kuŵatole mu charu cha ŵamawongo ŵawo, asani mtima wawo wambura kuchinjika ukajiyuyuwanga ndi kuchita umampha mu malo gha uheni wawo;

Sumu 79:12

Ambuya, awerezgiyenipo ŵamitundu kankhonde ndi kaŵi; chifukwa cha kutuka kose ko ŵatuka imwe.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.