ŴaLevi 26:26 - Tonga Bible 1986

²⁶ Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

ŴaLevi 26:26 Referans Kwoze

Mika 6:14

Mukarghanga, kweni mukagutanga cha; muŵenge ndi nja mukati mwinu; mukaŵikanga pade, kweni kuti mukasunganga cha, ndipo cho musunga ndichiperekenge ku lipanga.

Yesaya 3:1

Pakuti, ehe, Ambuya, Ambuya ŵa maŵamja, atuzgamo mu Yerusalemu ndi mwaku Yuda nchilikiliro ndi ndodo, nchilikiliro yose ya chiŵande ndi nchilikiliro yose ya maji,

Ezekiele 5:16

po ndipong'e paku imwe mivwi yangu ya kubaya, ya chilala, mivwi ya phasulu, yo ndikatumanga ku kuparghang'ani ndi penipo nditore paku imwe chilala pa chilala, ndi kufyo nchirikizgu yinu ya chiŵande.

Sumu 105:16

Penipo Ambuya angutuma chilala mu charu chawo, ndi kutuzgamo kurchga kwawo kose,

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Ezekiele 14:13

Mwana wa munthu, asani charu chandinangiya pa kuchita uwura magomezgeka, ndipo ine nditambasuliya janja langu paku cho, ndi kufyo ndodo yake yachiŵande ndi kutuma chilala paku cho, kudumuwako munthu ndi chakuŵeta,

Ezekiele 4:16

Ndipo so angunena nane, “Mwana wa munthu, ehe, ndikafyonga nchirikizgu ya chiŵande mu Yerusalemu; ŵakarghanga chiŵande chakupima pa mweso ndi mantha ghakuru, ŵakamwanga maji ghakuchita kupima ndi kuzizwa.

Yesaya 9:20

Ŵakwamphuwa ku marghe, kweni ŵeche ndi nja mbwenu, ndipo ŵaturgha ku maze, kweni kuti ŵaguta cha, we yose waturgha nyama ya munyake,

Hoseya 4:10

Warghenge kweni kuti ŵagutenge cha; ŵachitenge ureŵi kweni kuti ŵandanenge cha; chifukwa ŵareka kuphwere Ambuya mwakuti ŵaŵika mitima yawo pa ureŵi.

Ezekiele 4:10

Kurgha ko urghenge kukapimikanga pa mweso, mashekelo machumi ghaŵi pa zuŵa limoza; ukarghanga kamoza pa zuŵa.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

ŴaLevi 26:27

“Ndipo asani kuti mukandivwiyanga cha pavuli pakuwona vyose ivi, kweni mukayendanga kwakupambana nane,

2 ŴaKaronga 6:25

Ndipo mwenga chilala chikuru mu Samaria penipo wanguwuzinga, mpaka penipo mutu wa mbunda wasaskikanga pa mashekelo machumi ghankhonde ndi ghatatu gha siliva, ndipo chigaŵa chimoza cha vinayi cha mweso wa matongolo gha nkhunda chasaskikanga pa mashekelo ghankhonde gha siliva.

Yesaya 5:10

Pakuti ndimi chumi za munda wa mphereska zipasenge vyakuzaza nkhari yimoza, ndipo mbeu ya sokora yimoza yikapasanga chise chimoza pe.”

Ezekiele 4:17

Ndichitenge ichi ŵakasoŵanga chiŵande ndi maji, ŵakalereskananga mu kuzizwa yumoza ndi munyake, mukulangika kwawo ŵawondenge.”

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.