ŴaLevi 26:19 - Tonga Bible 1986

¹⁹ Nkhabwanganduwanga kujikuzga kwinu kwa nthazi, ndipo nkhasanduskanga mudengwende kuŵa nge nchisulo, ndi charu chapasi nge ndi mkuŵa.

ŴaLevi 26:19 Referans Kwoze

Marangu 28:23

Mtambo wo we pachanya pa mutu winu ukaŵanga nge ndi mkuŵa, ndi charu cho che pasi pinu chikaŵanga nge ndi chisulo.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Zefaniya 3:11

“Mu zuŵa lo kuti ulengeskekenge cha, chifukwa cha nchitu zako zakundigarukiya, chifukwa penipo ndituzgengeko mukati mwako, ŵeniwo ŵakondwa ndi kujikuzga kwako, kuti ŵajithamiyenge so cha mu phiri langu lakupaturika.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Ezekiele 30:6

“Viyo atiti Ambuya: Wo ŵazomerezgana ndi Egipiti ŵakawanga, ndipo kujikuzga kwake kwa nthazi kukasiskikiyanga pasi; kutuwa ku Migdolo mpaka ku Siyene ŵakawanga ndi lipanga mukati mwake, atiti Ambuya Chiuta.

Yeremiya 13:9

“Viyo atiti Ambuya: Viyo so ndimu ndikanangiyanga kujikuzga kwaku Yuda ndi kujikuzga kukuru kwaku Yerusalemu.

Yesaya 25:11

Ndipo wakatambaruwanga manja ghake mukati mwake uli ndimo wakasambira pa maji watambaruliya manja ghake pakusambira, kweni Ambuya akasiskiyanga pasi kujikuzga kwake pamoza ndi upusu wa manja ghake.

1 Samuele 4:11

Bokosi la phanganu laku Chiuta lingukwamphulika; ndipo ŵana ŵaŵi ŵaku Eli, Hofini ndi Finehasi, ŵangubayika.

Ezekiele 7:24

nditonge mitundu yiheni kwakuruska kuti ŵazipoke zinyumba zawo; ndikamariskanga kujikuzga kwawo kwanthazi, ndipo malo ghawo ghatuŵa ghakakazuzgikanga.

Yesaya 26:5

Pakuti ŵasiskiya pasi ŵakuja pachanya mu muzi wa pachanya. Ŵausiskiya pasi, kuusiskiya pasi pa dongo, ŵaupong'a pa fuvu.

Yesaya 2:12

Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

1 Samuele 4:3

Ndipo maŵanja ghanguti ghafika mu ugoŵi, ŵaraŵara ŵa ŵaYisraele ŵafumbananga, “Chifukwa chine Ambuya atikoso ifwe paurongo pa ŵaFilisti msana wale? Tiyeni takato bokosi la phanganu la Ambuya ŵa maŵanja ku Shilo, alinga kuti ŵaze mukati mwidu atitaske ku nthazi ya ŵarwani ŵidu.”

1 ŴaKaronga 8:35

“Asani kuchanya kwajarika ndipo kulivi vuwa chifukwa chakuti ŵakulakwiyani, asani ŵaromba mu nyumba iyi, ŵazomera zina linu, ndipo ŵang'anamukako ku ulakwi wawo penipo imwe mwaŵasuzga,

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Marangu 11:17

kuti ukari wa Ambuya ukole kumikana namwe, ndi kujara machanya kuti vuwa yireke kung'a, sono charu chireke kupasa vipasi vyake, ndi kuti munganangika ruŵi mu charu chamampha cho Ambuya amupaskani.

Ezekiele 33:28

Ndipo ndikachitanga charu kuti chiŵe phasulu ndi mapopa; kujikuzga kwake kwa nthazi kukamaranga; ndipo mapiri mu Yisraele ghakaŵanga nadi phasulu mwakuti kuwulengevi yumoza wakuporotamo.