ŴaLevi 26:17 - Tonga Bible 1986

¹⁷ Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

ŴaLevi 26:17 Referans Kwoze

Nthanthi 28:1

Ŵamphulupulu ŵathaŵa penipo palivi mweniyo watuŵadikiska, kweni ŵarunji mbakukhwima mtima uli ndi nkharamu.

ŴaLevi 17:10

“Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

Sumu 53:5

Ehe ko ŵali, mu chitenthe chikuru, mu chitenthe chenicho nanga ndi kalikuti chikuŵapo cha! Pakuti Chiuta waparghang'enge viwanga vya wambura kuziŵa Chiuta; ŵalengeskekenge, pakuti Chiuta waŵapata.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Chitenje 1:5

Ŵakupindikana ŵake ŵasanduka ŵarongozgi, ŵarwani ŵake ŵasakata, chifukwa Ambuya atumukomweska pa unandi wa mautimbanizi ghake; ŵana ŵake ŵakuruta, mbaŵanda paurongo pa ŵakupindikana ŵawo.

1 Samuele 31:1

Ndipo ŵaFilisti ŵangurwana ndi ŵaYisraele; ŵaYisraele ŵanguthaŵa pa maso pa ŵaFilisti, ŵangubayika pa phiri la Gilboa.

1 Samuele 4:10

Viyo ŵaFilisti ŵangurwa, ndipo ŵaYisraele ŵanguthera, ndi ŵanguthaŵa, munthu yose ku nyumba yake; ndipo kwenga kubayika kukuru, pakuti ŵakubayika mu Yisraele, ŵankhondo ŵake ŵakwenda pasi ŵenga vikwi machumi ghatatu (30,000).

Chiyambo 4:12

Uchilima nyata, kuti yikawerezgangapo so cha kukupaska nthazi yake: ukaŵanga wakuthaŵathaŵa ndi wakuyingayinga pa charu chapasi.”

Yoswa 7:4

Viyo akhumba vikwi vitatu ŵangukweriyako; ndipo ŵanguthaŵa paurongo pa ŵanthu ŵaku Ai.

1 ŴaKaronga 8:33

“Asani khamu linu Yisraele lapundika ndi ŵarwani chifukwa chakuti ŵakulakwiyani imwe, asani ŵawere so kwinu, ndi kuzomera zina linu, ndipo ŵaromba ndi kuŵeyere imwe mu nyumba iyi,

Sumu 44:10

Mutitiwezge vuli kutuwako ku ŵakupindikana ŵidu: ndipo ŵarwani ŵidu ŵaskowa.

Yeremiya 44:11

“Chifukwa cho atiti Ambuya ŵa maŵanja, Chiuta waku Yisraele: Ehe, ndikalazganga chisku changu paku imwe kumikana namwe pa uheni, kudumuwako Yuda yose.

Ezekiele 15:7

Ndikarazganga chisku changukumikana nawo; nanga ŵangapozomoka ku moto, kweni ndipuuli moto ukaŵarghanga; ndipo mukaziŵanga kuti ine ndine Ambuya, po ndirazga chisku changu kumikana nawo.

Ŵeruzgi 3:8

Chifukwa cho ukari wa Ambuya ungukole paku Yisraele, ndipo anguŵaguliska mu janja laku Kushani-rishataimu karonga waku Mesopotamia, ndipo ŵaYisraele ŵangutataliya Kushani-rishataimu virimika vinkhonde ndi vitatu.

Ŵeruzgi 3:14

Ndipo ŵaYisraele ŵangutataliya Egloni karonga wa Moabu virimika chumi pachanya vinkhonde ndi vitatu.

Ŵeruzgi 6:2

Ndipo janja laku Midiyani linguŵa la nthazi pa ŵaYisraele ndipo chifukwa cha ŵaMidiyani, ŵaYisraele ŵangujichitiya mazenje gho ghemu mapiri, ndi zimphanji ndi malinga.

1 Samuele 12:15

kweni asani murekenge kuvwiya mazu gha Ambuya, ndi kuthaŵako ku marangu gha Ambuya, janja la Ambuya liŵenge lakumikana namwe, imwe ndi karonga winu.

2 ŴaKaronga 13:3

Ndipo ukari wa Ambuya ungukore paku Yisraele, ndipo anguŵapereka kaŵi-kaŵi mu janja laku Hazaeli karonga waku Siriya ndi janja laku Benhadadi mwana waku Hazaeli.

2 ŴaKaronga 13:7

Pakuti kwengavi kusiyikako so kwaku Jehoyahazi liŵanja la nkhondo lakuruska wapakavalo machumi ghankhonde ndi magareta chumi ndi ŵakwenda pasi vikwi chumi, chifukwa karonga waSiriya wanguŵaphwanya ndi wanguŵachita uli ndi fuvu lapa mbuli.

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Yesaya 30:17

Chikwi cha ŵanthu chikathaŵanga pa kofya kwa yumoza, pa ŵakofya ŵankhonde mukathaŵanga, mpaka po mwambininika uli ndi mulongoti wa mbendera pachanya pa phiri, uli ndi mbendera pa kamtunthu.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Chitenje 2:4

Atweŵa uta wawo uli ngwamawongo, ndi janja lawo lamarghe nge ndi murwani; ndi abaya ŵanthu wose wo tithamiya mu ŵankhondo ŵamu Zioni; apunguwa ukari wawo uli ndi moto.