ŴaLevi 26:16 - Tonga Bible 1986

¹⁶ Ndikakuchitiyaninga ichi: Nkhatumanga paku imwe chofyo, nthenda ya liwondi-wondi, ndi yakumbwambwanthiya, ndi chideru cha kujara maso mwakuti umoyo ureke kukhumbikwa. Ndipo mukaseŵanga waka mbutu zinu, ŵarwani ŵinu ndiwo ŵakazirghanga.

ŴaLevi 26:16 Referans Kwoze

Jobu 31:8

viyo rekani ndipande, ndi munyake warghe, ndipo cho chandimere chizuwike.

1 Samuele 2:33

Munthu yo ndikamusiyangako wamoyo kuteŵete jochero langu, maso ghake ghakachitanga chidima kudiska masozi ndi kusuzgika mtima, ndipo usambasi wose wa nyumba yako ukafwanga ndi lipanga la ŵanthu.

Mika 6:15

Mukamijanga, kweni mukavunanga cha, mukapuwanga maolivi, kweni kuti mukajitukutizganga ndi mafuta cha; mukapuwanga mphereska, kweni kuti mumwenge vinyo wake cha.

Ezekiele 33:10

“Iwe, mwana wa munthu, kamba ku ŵaYisraele, Imwe mukamba kuti: ‘Mamphuru ghidu ndi vyakwananga vidu vye paku ifwe, ndipo tawonda navyo liwondi-wondi; na tingaŵa uli ndi umoyo?’

Yeremiya 5:17

“Ŵazamkurgha vuna yinu ndi kurgha kwinu; ŵazamkurgha ŵana ŵinu ŵanthurumi ndi ŵana ŵinu ŵanthukazi; ŵazamkurgha mberere zinu ndi viŵetu vinu: ŵazamkurgha mphereska zinu ndi miti ya mikuyu; ŵazamubwanganduwa ndi lipanga mizi yinu ya malinga mwaku yo mugomezga.”

Sumu 78:33

Viyo wangumara mazuŵa ghawo nge ndi mvuchi, maumoyo ghawo mu soka lakuchita kubuchizga.

Marangu 28:51

ndipo ukarghanga ŵana ŵa ng'ombe zinu, ndi vipasi vya charu chinu, mpaka penipo mwaparghanika; weniwo kuti ukamusiyaninga kurgha, vinyu, mafuta, mwandanu wa ng'ombe zinu, pamwenga ŵana ŵa mberere zinu cha mpaka penipo wamuparghanani.

ŴaHebere 10:31

Nkhwakofya kuwa mu manja ghaku Chiuta wamoyo.

Zekariya 14:12

Iyi yiŵenge nthenda ya chigodora yeniyo Ambuya akosonge nayo mitundu yose yo yikarwanga ndi Yerusalemu; nyama yawo yivundiyenge pawima ŵeche kuma, maso ghawo ghavundenge mu vikorongo vyawo, ndi malilimi ghawo ghavundenge mu milomo yawo.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

Yeremiya 15:8

Ndandaniska vyoko vyawo, kwakuruska muchenga wa zinyanja; ndatole pa ŵanyinawo ŵa ŵanyamata, wakuŵananga ndi msana pakati; ndatuma kuŵaŵa ndi chofyu kuti viŵawiye kwa mabuchibuchi.

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 7:2

Penipo ŵanguyinene nyumba yaku Davidi kuti, “Siriya wazomerezgana ndi Efraimu,” mtima wake ndi mtima wa ŵanthu ŵake ungusukunika uli ndimo miti yamu lisuwa yisukunikiya paurongo pa mphepo.

Sumu 109:6

Tondoni munthu wankhaza weruzgi wakupindikana wangu, zomerani kuti yumoza wa ŵarwani ŵake ndiyo wamulange.

Sumu 73:19

Ruŵi-ruŵi ŵabwanganduka; ŵasikiya ku umari wakofya!

Jobu 20:25

Ukhweturika, kutuwa mu liŵavu lake songo lake lakugadima likhwetuka mu nduru yake; chofyo chiŵenge paku iyo.

Jobu 18:11

Chofyo chitumuwiya mu malo ghe ghose, ndi kumchimbizga muvuli mwa vikandilo vyake.

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

Marangu 32:25

Pakweru lipanga lipaskenge chitenje, ndipo mu vipinda mukaŵanga mantha kubaya munyamata ndi mwali pamoza, litema lakonkha ndi munthu mura wa nyivu.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

1 ŴaKaronga 8:37

“Asani mwe chilala mu charu, asani mwe chiwowota pamwenga vitupatupa pamwenga chideru, pamwenga zombe pamwenga matondo; asani ŵakupindikana ŵawo ŵatuŵazinga msumba wawo we wose, manyi nchideru chakutinji, manyi ndi matenda gha mtundu uli gho ghalimo.

Nthanthi 3:33

Thembu la Ambuya le pa nyumba ya muheni, kweni atumbika kuja kwa murunji.

Yesaya 62:8

Ambuya arapa ndi janja lawo lakurghiya ndi janja lawo lanthazi: “Kuti ndikapaskanga so mbutu yinu cha kuŵa chakurgha cha ŵarwani ŵinu, ndipo ŵamwenda nthowa kuti ŵakamwanga vinyo winu cha yo mwajitakatakiya mwaŵeni;

Yeremiya 15:3

“Ndikaŵamikiyanga mitundu yinayi yaŵakuphwanya, atiti Ambuya: lipanga kwachibaya, ŵagaru kuparuwa, viyuni vya mude ndi vikoko vya pacharu chapasi kuparuwa ndi kuparang'a.

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

Malaki 2:3

Ehe, nkhachenyanga mphapu yinu, ndi kupaka ulambwe pa visku vinu, ndipo ndimutuzgeningipo pa maso pangu.

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.