ŴaLevi 26:12 - Tonga Bible 1986

¹² Ndikayendanga mukati mwinu, ndikaŵanga Chiuta winu, ndipo imwe mukaŵanga ŵanthu ŵangu.

ŴaLevi 26:12 Referans Kwoze

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Yeremiya 30:22

Imwe mukaŵanga ŵanthu ŵangu, ine ndikaŵanga Chiuta winu.”

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

ŴaHebere 11:16

Kweni sono ŵanweke chamamphako, ndicho chakuchanya: ndiviyo Chiuta walive soni nawo, kutamulika Chiuta wawo: chifukwa waŵarongosole msumba.

Yoele 2:27

Ndipo muziŵenge kuti nde mukati mwaku Yisraele, ndi kuti ine Ambuya nde Chiuta winu, ndi kulivi munyake so. Ndipo ŵanthu ŵangu kuti ŵalengeskekenge so cha muyaya.

Marangu 23:14

Chifukwa Ambuya Chiuta winu watenda mukati mu ugoŵi winu kumutaskani ndi kupereka ŵakupindikana ŵinu paurongo pinu, chifukwa cho ugoŵi winu utenere kuŵa wakupaturika, kuti wareke kuwona ke kose kawuyu mukati mwinu, vinu wangatuwako kwinu.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Yeremiya 32:38

Ndipo ŵakaŵanga ŵanthu ŵangu, ine ndikaŵanga Chiuta wawo.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Sumu 50:7

“Avwani, mwa ŵanthu ŵangu, ndipo ndikambenge, wa Yisraele, ndipanikizgiyenge paku iwe. Ine ndine Chiuta, Chiuta wako.

Ezekiele 36:38

Nge ndi mskambu wakuchitiya sembe, nge ndi mskambu ku Yerusalemu mu nyengo zakutemeka za madghera, ndimo misumba ya mapopa yikazaziyanga ndi miskambu ya ŵanthu. Sono penipo ndipo ŵakaziŵanga kuti ine ndine Ambuya.”

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Chiyambo 3:8

Ndipo ŵanguvwa muswayo wa Ambuya Chiuta wachenda mu munda pa msana wakuzizila; ndipo munthu yo ndi muwoli wake ŵangubisama ku chisku cha Ambuya Chiuta mukati mu miti yamu munda.

Mateyu 22:32

yo watiti, ‘Ine ndine Chiuta waku Abrahamu, Chiuta waku Yisaki, ndi Chiuta waku Yakobe?’ Chiuta kuti nchiuta wa ŵakufwa cha, kweni wa ŵamoyo.”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

Chiyambo 5:24

Enoke wanguti wenda ndi Chiuta, kuti wanguwoneka so cha, chifukwa Chiuta wangumuto.

Chiyambo 5:22

Enoke wangwenda ndi Chiuta pavuli pa kawi kaku Metusele virimika machumi pe chumi ghatatu (300) ndipo wenga ndi ŵana ŵanthurumi ŵanyake ndi ŵana ŵanthukazi.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Chituwa 29:45

Ndipo ndikajanga mukati mu ŵaYisraele, ndipo ndikaŵanga Chiuta wawo.

Maŵerengedu 5:3

uŵatuzge wose munthurumi ndi munthukazi, ŵatuzgikiye kubwalo kwa ugoŵi, alinga kuti ŵareke kukazuzga ugoŵi wawo, mukati mo Ine ndija.”

2 Samuele 7:7

Mu malo ghose mo ndenda ndi khamu lose laku Yisraele, kumbi ndikukambapo nanga nkhuŵeruzgi ŵaku Yisraele, wo ndinguŵalanguliya kuliska khamu langu Yisraele, kuti, “Mwarekiyanji kundimangiya nyumba ya miti ya milanji?” ’

Chituwa 29:46

Ndipo ŵakaziŵanga kuti ndine Ambuya Chiuta wawo, mweniyo wanguŵatuzga mu charu cha Egipiti alinga kuti ndizije mukati mwawo. Ndine Ambuya Chiuta wawo.

Marangu 23:15

“Kuti mukamuperekanga ku mbuyake cha muŵanda mweniyo wathaŵa ku mbuyake yo waza kwinu,