ŴaLevi 26:1 - Tonga Bible 1986

¹ “Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

ŴaLevi 26:1 Referans Kwoze

ŴaLevi 19:4

Mungang'anamukiyanga ku ŵangoza pamwenga kujisongonole ŵachiuta cha: Ndine Ambuya Chiuta winu.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Chituwa 20:23

Kuti mukachitanga ŵachiuta ŵa siliva cha kuŵa pamoza nane, chingana nkhujichitiya ŵachiuta ŵa golide cha.

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Machitidu gha Ŵakutumika 17:29

“Pakuŵa viyo mbumba yaku Chiuta, tingarunguruka cha kuti Uchiuta wo ukozgana ndi golide pamwenga siliva pamwenga mwa, wakusemeka ndi chinjeru ndi njeza ya munthu.

Chituwa 34:17

“Mungajichitiyanga ŵachiuta ŵa mkuŵa nanga mba golide cha.

Yesaya 2:20

Mu zuŵa liya ŵanthu ŵakatayanga ŵangoza ŵawo ŵa siliva ndi ŵangoza ŵawo ŵa golide, ŵeniwo ŵangujichitiya kuŵasopa, ku ŵakalulu ndi ŵakasusa,

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

ŴaLevi 25:55

Pakuti kwaku ine ŵaYisraele mbateŵete ŵangu wo ndinguŵatuzga mu charu cha Egipiti, Ndine Ambuya Chiuta winu.

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

ŴaLevi 7:33

yo njumoza wa ŵana ŵaku Aroni mweniyo wapereka ndopa za mpasku wa chimangu, ndi mafuta phande lake ndi chigha chaku marghe.

Ŵeruzgi 18:30

Ndipo ŵaDani ŵangujimikiya ngoza waku sema; sono Jonafani mwana waku Gershomu, mwana waku Mosese, ndi ŵana ŵake ŵanthurumi ŵenga ŵazukuru ku fuku la ŵina Dani Kufika ku zuŵa la umkoli wa charu cho.

2 ŴaKaronga 17:8

ndipo ŵangwenda mu malusu gha mitundu yo ŵangudikiska paurongo pa ŵaYisraele, ndi mu malusu gho ŵakaronga ŵa ŵaYisraele ŵangwata.

2 ŴaKaronga 17:10

ŵangujimikiya vigaŵa vya Asherimu pa mtunthu wose utali ndi musina mwa muti wose uŵisi,

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.