ŴaLevi 25:8 - Tonga Bible 1986

⁸ “Ndipo mukaŵerenganga ŵasabata ŵankhonde ndi ŵaŵi ŵa virimika, virimika vinkhonde ndi viŵi kwandaniska ndi kankhonde ndi kaŵi, uku ndikukuti, nyengo ya ŵasabata ŵankhonde ndi ŵaŵi ŵa virimika yikaŵanga kwaku imwe virimika machumi ghanayi pachanya vinkhonde ndi vinayi (49).

ŴaLevi 25:8 Referans Kwoze

ŴaLevi 23:15

“Ndipo mwambenge kuŵerenga ndi mlenji pavuli pa sabata, kwamba pa zuŵa lo munguza ndi nchinda ya sembe yakuzugung'a. Muŵerenge ŵasabata ŵankhonde ndi ŵaŵi ŵakukwana,

Chiyambo 2:2

Ndipo pa zuŵa la chinkhonde ndi chiŵi Chiuta wangumara nchitu yake yeniyo wanguchita, ndipo wangupumuwa pa zuŵa la chinkhonde ndi chiŵi ku nchitu yake yeniyo wanguchita.

ŴaLevi 25:7

Ng'ombe zinu ndi viŵeto vyo vye mu charu chinu, vyose vyo chikapasanga vikaŵanga kurgha.

ŴaLevi 25:9

Sono mukambanga mbata yakuvwika kosekose, pa zuŵa la chumi la mwezi wa chinkhonde ndi chiŵi. Mukambanga mbata kosekose mu charu chose pa zuŵa lakupepeska.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Maŵerengedu 36:4

Ndipo asani chirimika cha malikondwa cha ŵaYisraele chafika, iko chihara chawo chikasazgikiyanga ku chihara cha fuku lo ŵaliko; ndipo chihara chawo chikatuwangako ku chihara cha fuku la auskefwe.”

Sumu 89:16

chifukwa chinu ŵatangara zuŵa lose, ŵarumba imwe chifukwa cha umampha winu.