ŴaLevi 25:6 - Tonga Bible 1986

⁶ Sabata wa charu, wakakupaskaninga kurgha kwinu, kwa ŵaŵanda ŵinu ŵanthurumi ndi ŵanthukazi, kwa wanchitu winu wamphoto mlendo wakutandara mwinu.

ŴaLevi 25:6 Referans Kwoze

Machitidu gha Ŵakutumika 4:32

Ndipo wenga umoza mtima ndi mzimu wa urapasi waku wo ŵanguvwana, ndipo pengavi so yumoza yo wakambanga kuti kanthu kaku vyo wenga navyo, kenga kaku yija; kweni vyawo vyose vyenga vyamasanga.

Machitidu gha Ŵakutumika 2:44

Ndipo wose ŵakuvŵana ŵaŵanga pamoza, ndipo ŵanguŵa navyo vyose kwamasanga;

ŴaLevi 25:20

Ndipo asani mukambenge kuti, ‘Kumbi mu chirimika cha chinkhonde ndi chiŵi tirghengenji asani tikarekanga kupanda ndi kuvuna mbeu zidu?’

Chituwa 23:11

Kweni chirimika cha chinkhonde ndi chiŵi mukayipumuzganga yambura kuyipanda; alinga kuti ŵasauchi ŵa ŵanthu ŵinu, ŵarghenge; ndipo vyo ŵakasiyangamo nyama zamu dondo zikarghanga. Minda yinu ya mphereska nayo mukachitanga nayo kwakukozgana, ndi minda yinu ya olive.

ŴaLevi 25:5

Vyakujimele vija mu minda yinu mungavivunanga cha, ndipo vipasi vya mu mphereska zambura kuphwerereka, mungaviyoranga cha; chirimika cho nchakupumuliska charu.

ŴaLevi 25:7

Ng'ombe zinu ndi viŵeto vyo vye mu charu chinu, vyose vyo chikapasanga vikaŵanga kurgha.

ŴaLevi 25:21

Ndikalangulanga kuti mutumbikike mu chirimika cha chinkhonde ndi chimoza, viyo kuti mukavunanga vipasi vya virimika vitatu.

2 ŴaKaronga 19:29

“Ndipo ichi chikaŵanga chisimikizgu kwaku iwe: chirimika chino mukarghanga vyo vime vija, mu chirimika cha chiŵi vyenivyo vibuka pasi mwenimo, kweni muchifimika cha chitatu mupandenge, ndi kuvuna, mupandenge munda ya mphereska, ndi kurgha vipasi vyake.