ŴaLevi 25:54 - Tonga Bible 1986

⁵⁴ Ndipo asani walivi kuwomboleka mwaviyo, iku wakafwatulikanga mu chirimika cha wanangwa iyo pamoza ndi ŵana ŵake.

ŴaLevi 25:54 Referans Kwoze

Yesaya 52:3

Pakuti viyo atiti Ambuya: “Mungusaskika kwambura mtengo ndipo mukawombolekanga kwambura ndrama.

Yesaya 49:25

Kwakuneneska, viyo atiti Ambuya: “Chigana ŵamikoli ŵa chilimbi ŵangukwamphulika, ndi chakuliwa cha mweruzgi mukari chingataskika, kweni ine ndikalimbananga nawo wo ŵalimbana nawe, ndipo ndikataskanga ŵana ŵako.

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

ŴaLevi 25:10

Ndipo mukapatuwanga chirimika cha machumi ghankhonde (50), ndi kumemeza wanangwa ku ŵanthu wose ŵakuja mu charu cho; ndipo mukakondwanga ndi kwangara mose penipo we yose wakaweriyanga kwake ko kwe vinthu vyake ko kwe mbumba yake.

ŴaLevi 25:13

“Mu chirimika ichi cha wanangwa we yose waku imwe wakawerenga kwake.

ŴaLevi 25:55

Pakuti kwaku ine ŵaYisraele mbateŵete ŵangu wo ndinguŵatuzga mu charu cha Egipiti, Ndine Ambuya Chiuta winu.