ŴaLevi 25:43 - Tonga Bible 1986

⁴³ Kuti ukamutufuliyanga ndi nkhaza cha wopenge Chiuta wako.

ŴaLevi 25:43 Referans Kwoze

ŴaKolose 4:1

Mwaŵambuyau, cho nchakurunjika ndi chakuyamu ŵachitiyeni ŵaŵanda ŵinu, pakuziŵa kuti imwe namwe mwe nayo Mbuya kuchanya.

ŴaLevi 25:46

Mungaŵachita kuŵa chihara ku ŵana ŵinu pavuli pinu, ku ŵahara uli mbusambasi wa muyaya; iwo ŵangaŵa ŵaŵanda ŵinu, kweni kuti mukaŵatufuliyanga ŵana ŵanyinu ŵaYisraele; kuti munthu watufuliye pa munyake ndi nkhaza cha.

ŴaLevi 25:17

Mungazgelerananga cha, kweni mukawopanga Chiuta winu; pakuti Ndine Ambuya Chiuta winu.

ŴaEfeso 6:9

Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

Ezekiele 34:4

Wakutomboroka kuti mwaŵapaska nthazi cha, ŵakutama kuti mwaŵachizga cha, ŵakujipweteka kuti mwaŵamangapo mabala cha, ŵakuranda kuti mwaŵawezge kuvuli cha, ŵakusoŵa kuti mwaŵapenja cha, ndipo mwaŵausa mu kuŵakanchizga ndimu ukari.

ŴaLevi 25:53

Wakaŵanga nayo uli ngwakulembeka nchitu chirimika ndi chirimika; kuti wakatufuliyanga paku iyo ndi nkhaza cha pamaso pako.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Marangu 25:18

Wangumuyukiyani pa nthowa, penipo mungulakatuka ndi kuvuka; ndi wangudumuwako wo ŵasweranga kuvuli kwinu, ndipo wengavi kopa Chiuta.

Chituwa 5:14

Ndipo ŵakapitawi ŵa ŵaYisraele wo ŵangumikika ndi nduna zaku Farao ŵangupumika, ndipo ŵangufumbika, “Chifukwa chine mulivi kufiska nchitu yinu yose yakuwumba ncherwa msana wale, uli ndimo mwachitiyanga kale?”

Chituwa 3:9

Ndipo sono, ehe, nkhuta ya ŵaYisraele yafika kwangu ndipo ndawona suzgu yeniyo ŵaEgipiti ŵati ŵasuzga nayo.

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Chituwa 1:21

Ndipo chifukwa ŵazamba ŵangopa Chiuta wanguŵapaska ŵana.

Chituwa 1:17

Kweni ŵazamba wo ŵawopanga Chiuta. Ndipo kuti ŵanguchita nge ndimo wanguŵalanguliya karonga wa Egipiti cha. Kweni ŵanguŵareka ŵamoyo ŵana ŵanthurumi.

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

ŴaLevi 25:42

Pakuti ŵana ŵanyako mbateŵeti ŵangu wo ndingutuzga mu charu cha Egipiti; Wangaguliskikanga nge mba ŵanda cha.

ŴaLevi 25:44

Kweni ŵaŵanda ŵinu ŵanthurumi ndi ŵanthukazi wo mungaŵa nawo; mungaziŵakuŵagula kutuwa mu mitundu yakumuzunguliyani.

2 Mikoka 28:10

Ndipo sono mukhumbakuŵathereska ŵanthu ŵaku Yuda ndi ŵaku Yuda ndi ŵaku Yerusalemu, ŵanthurumi ndi ŵanthukazi nge mbaŵanda ŵinu. Kumbi mulivi uheni imwe wo mwanangiya Ambuya Chiuta winu?

Jobu 31:13

“Asani ndakana mrando wa wanchitu wangu munthurumi ndi wanchitu wangu munthukazi, penipo ŵanguza ndi dandaulu lakumikana ndi ine;

Jobu 31:14

nkhachitanga chine pa Chiuta wayuka, wachifumba nkhamumukanga chine?