ŴaLevi 25:39 - Tonga Bible 1986

³⁹ “Ndipo asani mwana munyako watuŵa msauchi paurongo pako, ndipo watijiguliska kwako, ungamutataliskanga nchitu uli ndi muŵanda cha.

ŴaLevi 25:39 Referans Kwoze

Chituwa 21:2

Asani mugula muŵanda wachiHebere, wakatatanga kwa virimika vinkhonde ndi chimoza ndipo pa chachinkhonde ndi chiŵi wakarutanga mu wanangwa, kwambura kurondapo kanthu.

1 ŴaKaronga 9:22

Kweni ŵaYisraele Solomoni kuti wanguŵachita uŵanda cha: iwo ŵenga ŵa nkhondo, ŵenga ŵamazaza ŵake ŵa charu, ŵakulangula ŵake, zinduna zake ŵakulangula ŵake magareta ndi ŵara ŵakavolo ŵake.

Nehemiya 5:5

Sono nyama ya maliŵavu ghidu yikozgana ndi ya ŵabali ŵidu, ŵana ŵidu ŵakozgana ndi ŵana ŵawo, kweni tichichizga ŵana ŵidu ŵanthurumi ndi ŵanthukazi kuŵasanduska ŵaŵanda, ndipo ŵana ŵidu ŵanthukazi ŵemu uŵanda kale; kweni kuti mazaza ngidu cha kutuzgapo ichi, pakuti minda yidu ndi minda ya mphereska vyemu manja gha ŵanthu ŵanyake.”

2 ŴaKaronga 4:1

Sono muwoli wa yumoza wa ŵana ŵa ŵamchimi wanguriliya kwaku Elisha, “Ndamteŵeti wako mrumi wangu wafwa; ndipo uziŵa kuti mteŵeti wako watopa Ambuya, kweni wakumkongoleska waza kuzachito ŵana ŵangu ŵaŵi kwachiŵaŵeta kuŵa ŵaŵanda ŵake.”

ŴaLevi 25:46

Mungaŵachita kuŵa chihara ku ŵana ŵinu pavuli pinu, ku ŵahara uli mbusambasi wa muyaya; iwo ŵangaŵa ŵaŵanda ŵinu, kweni kuti mukaŵatufuliyanga ŵana ŵanyinu ŵaYisraele; kuti munthu watufuliye pa munyake ndi nkhaza cha.

Yeremiya 34:14

‘Pa umari wa virimika vinkhonde ndi chimoza we yose waku imwe wafwatuwe muHebere munyake, mweniyo wakuguliskika kwaku iwe ndipo watataliya iwe virimika vinkhonde ndi chimoza, utenere kumufwatuwako ku nchitu yako.’ Kweni auskemwe kuti ŵangunditegherezga cha chingana nkhundivwa cha.

Yeremiya 30:8

“Ndipo kwazamukuŵa mu zuŵa lo, atiti Ambuya ŵa maŵanja ndazamufyo gori pa khosi lawo, ndikapasuwanga ma unyoro, ndipo ŵalendo kuti ŵakaŵaŵetanga so cha.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Yeremiya 25:14

Pakuti mitundu yinandi ndi ŵakaronga ŵakuvwika ŵakaŵachitanga uŵanda, ndipo ine ndikaŵaripilanga kwakulingana ndi nchitu zawo ndi nchitu za manja ghawo.”

Chituwa 22:3

“Asani munkhungu wasanirika wachiswa nyumba kuti wasere ndipo wakosoreka ndi kufwa, paulengevi kalema ka ndopa chifukwa chaku iyo,

Chituwa 1:14

ndipo ŵanguŵasuzga ukongwa, pakuŵagwiriska nchitu zizitu, kukasa dongo, ndi kuwumba ncherwa ndi mitundu yose ya nchitu zamu minda. Mu nchitu yawo yose ŵanguŵatataliska kwambura lisungu.

Mateyu 18:25

Kweni pakuŵavi kakulipiyapo, mbuyake wangulangula kuti wasaskike iyo, ndi muwoli wake ndi ŵana, ndi vyose vyo wenga navyo mwakuti walipiyepo.

2 Mikoka 28:10

Ndipo sono mukhumbakuŵathereska ŵanthu ŵaku Yuda ndi ŵaku Yuda ndi ŵaku Yerusalemu, ŵanthurumi ndi ŵanthukazi nge mbaŵanda ŵinu. Kumbi mulivi uheni imwe wo mwanangiya Ambuya Chiuta winu?

Yeremiya 34:8

Mazu ghenigho ghanguza kwaku Yeremiya kutuwa ku Ambuya, pavuli Karonga Zedekiya wati wachita phanganu ndi ŵanthu wose mu Yerusalemu kuchita mumemezu wa wanangwa kwaku wo,

Yeremiya 34:9

kuti we yose wafwatuwe ŵa ŵanda ŵake ŵachiHebere, munthurumi ndi munthukazi; viyo kuti paulevi yumoza wakuchita uŵanda mu Yuda, mwana munyake.