ŴaLevi 25:18 - Tonga Bible 1986

¹⁸ “Viyo mukachitanga malangulu ghangu, ndi kusunga vyeruzgu vyangu kuvichita; po ndipo mukajanga mu charu cho kwambura kopa.

ŴaLevi 25:18 Referans Kwoze

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Marangu 12:10

Kweni mwamukwambuka Yordane, ndi kwachija mu charu chenicho Ambuya Chiuta winu watukupaskani kuchihara. Ndipo Chiuta wakumpumuzgani ku ŵarwani ŵinu wose ŵakumuzungurizgani, mwakuti mujenge mu chimangu.

Nthanthi 1:33

kweni mweniyo wategherezga kwangu wakajanga pakukho ndipo wakaŵanga pa uyuyu, wambura kutenthema chiheni.”

Sumu 4:8

Mu chimangu ndigonenge pasi ndi ndirenge tulo; chifukwa imwe mwija, A Chiuta, mutindijariska mwakufwasa.

Ezekiele 33:29

Penipo ndipo ŵakaziŵanga kuti Ine ndine Ambuya, asani ndasanduska charu kuti chiŵe phasulu ndi mapopa chifukwa cha maunyakazi ghawo ghose gho ŵachita.

Yeremiya 33:16

Mu mazuŵa ghenigha Yuda wakataskikanga ndi Yerusalemu wakajanga wakuvikiririka. Ndipo ili ndilo zina lo ŵakadanikanga nalo: ‘Ambuya mburunji widu.’

Sumu 103:18

kwaku wo ŵasunga phanganu lawo, wo ŵakumbuka kuchita marangu ghawo ghose.

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Marangu 33:12

Gha paku Benjamini wanguti, “Nkhwanjiwa wa Ambuya, waja mu chimangu pamoza nayo. Watumuzunguliya zuŵa lose ndipo wamujariska pakati pa maphewa ghake.”

ŴaLevi 19:37

Ndipo musungenge malangulu ghangu ghose ndi vyeruzgu vyangu vyose, ndi kuvichita. Ndine Ambuya.”

Yeremiya 25:5

kuti, ‘Ng'anamukaniko ku nthowa yinu yiheni ndi kumachitidu ghaheni, ndi muje pa charu cho Ambuya akukupaskani imwe ndi auskemwe kutuliya ku kale mpaka ku muyaya,

ŴaLevi 25:19

Charu chikapasanga vipasi vyake, ndipo imwe mukarghanga kwakuguta, ndi kuja mwaku cho kwambura mantha.

ŴaLevi 19:19

“Musungenge malangulu ghangu. Mungazomerezganga ng'ombe zinu kwandana ndi ng'ombe za mitundu yinyake. Mungapandanga munda winu ndi za mitundu yiŵi cha; chingana nkhuti muvwarenge chakuvwara cha saru yakuŵa ndi mitundu yiŵi.

1 ŴaKaronga 5:5

Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’