ŴaLevi 25:14 - Tonga Bible 1986

¹⁴ Asani uguliska ku munyako pamwenga ugula ku munyako, mose mwaŵi mungazgelerananga cha.

ŴaLevi 25:14 Referans Kwoze

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

ŴaLevi 25:17

Mungazgelerananga cha, kweni mukawopanga Chiuta winu; pakuti Ndine Ambuya Chiuta winu.

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Yesaya 58:6

“Kumbi kufunga ko ine ndisankha asi ndi uku: kufwatuwa vimangiru vya uheni, kufwatuwa mikoŵa ya gori, kupaska wanangwa ku ŵakuyuzgika, ndi kuswa gori le lose?

1 ŴaKorinte 6:8

Kweni imwe ndimwe muchita uheni muphanga, nadi mukwamphuwa ndi vya ŵabali ŵinu.

Luka 3:14

Ndipo ŵamfumbanga ŵankhondo nawo, ŵakuti, “Nafwe so tikachitanga chine?” Ndipo wanguŵanene, “Mungenjezganga yumoza cha, chingana nkhumwatiya; ndipo mukorokenge ndi mphoto zinu.”

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Yesaya 1:17

sambirani kuchita umampha, penjani cheruzgu chirunji, wovyani ŵakusuzgika; vikiriyani ŵana ŵaranda, chitiyani lisungu vyoko.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Nthanthi 28:16

Mweruzgi mweniyo walivi kuwamongwakuyuzga ndi nkhaza; kweni mweniyo watinkha chanduwu chizira urunji wandaniskenge mazuŵa ghake.

Nthanthi 28:8

Mweniyo watandaniska usambasi wake ndi kubwerekeska kwakuŵikiyapo ndi kwandaniska waunjikiya mweniyo wendi wezi ku ŵakavu.

Nthanthi 28:3

Munthu mukavu mweniyo wayuzga ŵakavu ŵanyake, ndi vuwa ya kupuma yeniyo kuti yisiya kurgha cha.

Nthanthi 22:16

Mweniyo wasauska mukavu pakukhumba kwandaniska uromba wake, pamwenga wapaska ku musambasi wakakhumbilanga pavuli.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Nthanthi 14:31

Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Sumu 10:18

mwakuti mweruzgi umampha muranda ndi wakuphwatikiya pasi. Ndikuti munthu wa charu chapasi wareke kuŵa so wakofya.

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

ŴaLevi 25:15

Pavuli pa chirimika cha wanangwa ukagulanga munda ku munyako kwakuyana ndi unandi wa virimika vyakulimamo chakurgha, viyo ndimo nayo wakaguliskiyanga.