ŴaLevi 24:2 - Tonga Bible 1986

² “Langula ŵaYisraele kutole kwako mafuta gha Olive gho ghakukozge nyali, alinga kuti nyali yikolenge kwakukiyakiya kwambura kuzimwa.

ŴaLevi 24:2 Referans Kwoze

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Yohane 5:35

Yuwa wenga lumbuni lakukole ndi lakuŵala; ndipo imwe mungukhumba kusangaruskika kwa kanyengo mu ukweru wake.

Yohane 1:9

Kungweruka kwenecho, kwakungweruska munthu yose kwazanga mu charu.

Yohane 1:4

Mwaku iyo mwenga umoyo, ndipo umoyo wo wenga kungweruka kwa ŵanthu.

Luka 12:35

“Viunu vinu viŵe vyakuchinyirika, ndi nyali zinu zakukole;

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Yesaya 11:2

Ndipo Mzimu wa Ambuya ukajanga paku iyo, mzimu wa chinjeru ndi wakuwamo, mzimu wa fundu ndi nthazi, mzimu wa zeru ndi wa chopu cha Ambuya.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Sumu 119:130

Kupataula kwa mazu ghinu kupaska ukweru, kupaska zeru kwaku wo mbajira.

Sumu 119:105

Mazu ghinu ndi nyali kumarundi ghangu, ndi ukweru wa nthowa yangu.

2 Mikoka 13:11

Ŵatumoche Chiuta sembe zakocha ndi vyachema vyamampha mlenji wose ndi mazulo ghose ndipo chikoleru nyali cha golide ndi nyali zake ŵatizilongo kuti zikolenge mazulo ghose; chifukwa ifwe tisungirizga chilangulu chaku Chiuta widu kweni imwe mwamjowo.

Chituwa 40:24

Ndipo wanguŵika chakuŵikapo nyali mu hema lakuwunganamo kulereskana ndi gome kuchiri ku mwera kwa hema lakupaturika,

Chituwa 39:37

chakuŵikapo nyali cha golide ndi nyali zake pamoza ndi nyali zakumikika ndi viyaŵi vyake, ndi mafuta ghakumbulikiya;

ŴaLevi 24:1

Ambuya angunena ndi Mosese,

ŴaLevi 24:3

Kubwalo ku chivwinkhu chakuchinga cha chisimikizgu, mu hema lakuwunganamo, Aroni wakayipwerenga umampha paurongo pa Ambuya kutuwa mazulo mpaka mlenji kwambura kureka. Likaŵanga langulu muyaya mu migonezi yinu yose.