ŴaLevi 23:6 - Tonga Bible 1986

⁶ Ndipo pa zuŵa la chumi pachanya ghankhonde mwezi weniwo pe ndi dghera la chiŵande chambura mtupu ku Ambuya; mukarghanga chiŵande chambura mtupu mazuŵa ghankhonde ndi ghaŵi.

ŴaLevi 23:6 Referans Kwoze

Marangu 16:8

Mu mazuŵa ghankhonde ndi limoza mukarghanga chiŵande chambura mtupu ndipo pa zuŵa la chinkhonde ndi chiŵi kukaŵanga ungano wakupaturika wa Ambuya Chiuta winu; mungachitanga mlimu cha mwaku lo.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Marangu 16:3

Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.