ŴaLevi 23:40 - Tonga Bible 1986

⁴⁰ Pa zuŵa lakundanga mukatonga vipasi vya mu miti ya mampha, ndi mphanda za kanchindu, ndi malombo gha mu msinji, ndipo mukakondwanga paurongo pa Ambuya Chiuta winu mazuŵa ghankhonde ndi ghaŵi.

ŴaLevi 23:40 Referans Kwoze

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

ŴaRoma 5:11

Viyo pe cha, kweni so titumbwiya mwaku Chiuta mu Ambuyafwe Yesu Kristu, mwaku mweniyo tarondere sono muwoju wo.

Yohane 16:22

Namwe so viyo mwe ndi chisungu sono: kweni ndazamkukuwonani so, ndipo mitima winu wazamkondwa, chimwemwe chinu pazamuuravi yumoza wazamtuzgapo kwaku imwe.

Yohane 12:13

ŵanguto mphanda za ŵakanchindu, ŵangutuwa kwachikumana nayo, ndipo Wakamburanga, “Hosana! Ngwakutumbikika yo watuza mu zina la Mbuya, Karonga waku Yisraele!”

Mateyu 21:8

Ndipo urapasi wa mzinda ungutandika minjirira yawo mu nthowa; ŵanyake ŵatemanga vivwati vyamiti ŵatandikanga mu nthowa.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Sumu 92:12

Ŵakurunjika ŵakatipitiyanga nge ndimuti wa kanchindwi, ŵakakuwanga nge ndimilanji yaku Lebanoni.

ŴaLevi 23:39

“Pa zuŵa la chumi la mwezi wa chinkhonde ndi chiŵi po mwawunjika pamoza vyakurgha vyamu charu cho, muchitenge dghera la Ambuya mazuŵa ghankhonde ndi ghaŵi. Pa zuŵa laku danga mukapumuwanga mu kusopa, ndi viyo so pa zuŵa la chinkhonde ndi chitatu mukapumuwanga ndi kusopa.

ŴaLevi 23:41

Mukalisunganga nge ndi dghera la Ambuya mazuŵa ghankhonde ndi ghaŵi mu chirimika. Ndi langulu muyaya mu migonezi yinu yose lakuti mukalisunganga mwezi wose wachinkhonde ndi chiŵi.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Sumu 137:2

Mu miduzi ya miti kuwa tingupayika ŵabangwi ŵidu.

Yesaya 44:4

Ŵakamenga uli mbuteka mukati mu maji, uli ndi sungwi mu timisinji twakwenda.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.