ŴaLevi 23:39 - Tonga Bible 1986

³⁹ “Pa zuŵa la chumi la mwezi wa chinkhonde ndi chiŵi po mwawunjika pamoza vyakurgha vyamu charu cho, muchitenge dghera la Ambuya mazuŵa ghankhonde ndi ghaŵi. Pa zuŵa laku danga mukapumuwanga mu kusopa, ndi viyo so pa zuŵa la chinkhonde ndi chitatu mukapumuwanga ndi kusopa.

ŴaLevi 23:39 Referans Kwoze

Chituwa 23:16

Mukasunganga dghera la chivuna cha vipasi vyakudanga vya kutakataka kwinu, kwaku vyo mupanda mu minda. Mukasunganga dghera la kuronga pa umari wa chirimika, muchiwezga ku minda vipasi vya kutakataka kwinu.

Marangu 16:13

“Murghe dghera la misasa kwa mazuŵa ghankhonde ndi ghaŵi, pa muyora mbeu zinu pa malo ghakupepete, ndi mu malo ghakukamiyamo vinyo.

ŴaLevi 23:34

“Kamba ku ŵaYisraele, pa zuŵa la chumi ndi ghankhonde la mwezi uwu wa chinkhonde ndi chiŵi, kwa muzuŵa ghankhonde ndi ghaŵi, ndi dghera la misasa ku Ambuya.

ŴaLevi 23:36

Mu mazuŵa ghankhonde ndi ghaŵi mukaperekanga sembe zapa moto ku Ambuya; pa zuwa la chinkhonde ndi chitatu muchitenge ungano wakupaturika ndi kupereka sembe yapa moto ku Ambuya; mbungano wakusopa; kuti mu kachitanga nchitu cha.

ŴaLevi 23:24

“Kamba ku ŵaYisraele kuti, mu mwezi wa chinkhonde ndi chiŵi pa zuŵa lakudanga la mwezi mukasunganga zuŵa la chipumulu chakupaturika; chikumbusku chakumemezeka ndi chizozo cha zimbata kuwungana ndi kusopa.

ŴaLevi 23:38

pamoza ndi masabata gha Ambuya, mukasazgiyangapo vyaulera vinu, mipasku yinu ya mphenduzga ndi mipasku yinu ya wanangwa yo mupaska ku Ambuya.

ŴaLevi 23:40

Pa zuŵa lakundanga mukatonga vipasi vya mu miti ya mampha, ndi mphanda za kanchindu, ndi malombo gha mu msinji, ndipo mukakondwanga paurongo pa Ambuya Chiuta winu mazuŵa ghankhonde ndi ghaŵi.