ŴaLevi 23:38 - Tonga Bible 1986

³⁸ pamoza ndi masabata gha Ambuya, mukasazgiyangapo vyaulera vinu, mipasku yinu ya mphenduzga ndi mipasku yinu ya wanangwa yo mupaska ku Ambuya.

ŴaLevi 23:38 Referans Kwoze

Maŵerengedu 29:39

“Ivi ndivyo mukaperekanga ku Ambuya pa nyengo zakutemeka za madghera ghinu, pamoza ndi mipasku yinu ya marapu ndi mipasku yinu ya wanangwa, vya mipasku yinu yakocha, ndi ya ufwa, ndi ya vyakumwa, ndi mipasku yinu ya chimangu.”

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

ŴaLevi 23:3

Mazuŵa ghankhonde ndi limoza ghakuchitiya nchitu: kweni pa zuŵa la chinkhonde ndi chiŵi ndi sabata la chipumulu chakupaturika, kuwungana pamoza kusopa; kuti mukachitanga nchitu cha; ndi sabata ku Ambuya mu malo ghinu ghose ghakujamo.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

ŴaLevi 23:37

“Yagha ndigho madghera ghakutemeka gha Ambuya, gho mukamemezanga pa zinyengo za maungano ghakupaturika ghakuperekiyapo ku Ambuya sembe zapa moto, sembe zakocha ndi sembe za ufwa, sembe ndi mipasku ya kumwa, dghera lose pa zuwa lake ndi lake lakutemeka;

ŴaLevi 23:39

“Pa zuŵa la chumi la mwezi wa chinkhonde ndi chiŵi po mwawunjika pamoza vyakurgha vyamu charu cho, muchitenge dghera la Ambuya mazuŵa ghankhonde ndi ghaŵi. Pa zuŵa laku danga mukapumuwanga mu kusopa, ndi viyo so pa zuŵa la chinkhonde ndi chitatu mukapumuwanga ndi kusopa.

Ezekiele 46:12

Penipo karonga wapereka mpasku wa wanangwa, kaya ndi mpasku wakocha pamwenga wa chimangu nge ndi mpasku wa wanangwa ku Ambuya, likomo la kulereska ku vuma lijurikiye iyo, wapereke mipasku yake yakocha pamwenga ya chimangu nge ndimo wachitiya pa zuŵa la sabata. Pavuli wakatuwanga, ndipo asani watuwa likomo lijarike.

2 Mikoka 31:14

Kore mwana waku Imna mu Levi, mlonda wa likomo laku vuma wenga msungi mura wa mpasku wawanangwa wakuperekeka kwaku Chiuta, kugaŵa phande la muthulu wakuŵikikiya Ambuya, ndi mpasku wakupaturika.

Sumu 56:13

Chifukwa imwe mwapozomoska mzimu wangu ku nyifwa, inya, marundi ghangu ku kuwa, alinga kuti ndendenge paurongo paku Chiuta mu ukweru wa umoyo.

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.