ŴaLevi 23:34 - Tonga Bible 1986

³⁴ “Kamba ku ŵaYisraele, pa zuŵa la chumi ndi ghankhonde la mwezi uwu wa chinkhonde ndi chiŵi, kwa muzuŵa ghankhonde ndi ghaŵi, ndi dghera la misasa ku Ambuya.

ŴaLevi 23:34 Referans Kwoze

Yohane 7:2

Kweni dghera la ŵaYuda la Misasa, lenga pafupi.

Nehemiya 8:14

Ndipo ŵangusaniya kuti ghakulembeka mu dangu lenilo Ambuya angulanguliya mwaku Mosese kuti ŵaYisraele ŵajenge mu misasa pa nyengo ya dghera la mwezi wa chinkhonde ndi chiŵi,

Ezra 3:4

Ŵanguchita so dghera la misasa, uli ndimo kukulembeke ndi kupereka sembe zakocha zuŵa ndi zuŵa, unandi wake kuyana ndi dangu la zuŵa ndi zuŵa.

Maŵerengedu 29:12

“Pa zuŵa la chumi ndi ghankhonde ndi la mwezi wa chinkhonde ndi chiŵi mukaŵanga ndi unganu wakupaturika; mureke kuchita nchitu ya mazuŵa ghose, ndipo mukaŵanga ndi dghera mazuŵa ghankhonde ndi ghaŵi ku Ambuya;

Chituwa 34:22

Ndipo mukaphwerenga dghere la ŵasabata, vipasi vyakudanga vya kuvuna kwa trigu, ndi dghera la kuwezge vya kurgha pa umari wa chirimika.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Chituwa 23:16

Mukasunganga dghera la chivuna cha vipasi vyakudanga vya kutakataka kwinu, kwaku vyo mupanda mu minda. Mukasunganga dghera la kuronga pa umari wa chirimika, muchiwezga ku minda vipasi vya kutakataka kwinu.

ŴaHebere 11:9

Ndi chivwanu wangutandara ku charu cho cha phanganu, ulaka nchilendo, wakuja mu mahema, pamoza ndi Yisaki ndi Yakobe, ŵakuhariya pamoza nayo phanganu lenilo;

ŴaHebere 11:13

Mu chivwanu ŵangufwiya yaŵa wose, ŵambura kuronde mapanganu gho, kweni ŵakughalereske ndi ŵakughatauzgiya kutari, ndi ŵakuzomera kuti ŵengaŵalendo ndi ŵayinga pa charu.

ŴaLevi 23:33

Ndipo Ambuya anguti kwaku Mosese,

ŴaLevi 23:42

Mukajanga mu misasa mazuŵa ghankhonde ndi ghaŵi. Wose wo mba Yisraele ŵakajanga mu misasa,

ŴaLevi 23:43

alinga kuti migonezi yinu yiziŵe kuti ndine ndingulanguliya ŵaYisraele kuja mu misasa, ndinguti ndaŵatuzga mu charu cha Egipiti. Ine ndine Ambuya Chiuta winu.”

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

Marangu 31:10

Ndipo Mosese wanguŵalanguliya kuti, “Pa umari wa virimika vyose vinkhonde ndi viŵi pa nyengo yakutemeka ya chirimika cha chifwatuka, pa dghera la misasa,

1 ŴaKaronga 8:2

Ndipo wose ŵaYisraele ŵamguwungana ku karonga Solomoni pa dghera mu mwezi wa Etanimu, wo ndi mwezi wa chinkhonde ndi chiŵi.

1 ŴaKaronga 8:65

Viyo Solomoni wanguchita dghera pa nyengo yiya, ndi ŵaYisraele wose pamoza nayo, umba ukuru, kwamba pakuserere kwa Hamati kuya ku Kamsinje ka Egipiti, paurongo pa Ambuya Chiuta widu, mazuŵa nkhonde ndi ghaŵi.

1 ŴaKaronga 12:32

Ndipo Yoroboamu wangulangula dghera pa zuŵa la chumi ndi ghankhonde la mwezi wa chinkhonde ndi chitatu lakukozgana ndi dghera lo lenga ku Yuda, ndi ŵangupereka sembe pa chiguŵa cha sembe; viyo ndimu wanguchitiya mu Beteli, kupereka sembe ku mathole ghenigho wangupanga. Ndipo mu Beteli wanguŵikamo ŵazukuru ŵa malo gha pachanya gho wanguchita.

Ezekiele 45:25

Pa zuŵa la chumi ndi ghankhonde, mu mwezi wa chinkhonde ndi chiŵi ndi mu mazuŵa ghankhonde ndi ghaŵi gha dghera, wakaperekanga viyo kwakukozgana pa mipasku yapa ulakwi, mipasku yakocha, mipasku ya vyakurgha, ndi unandi wa mafuta kwakuyana.