ŴaLevi 23:32 - Tonga Bible 1986

³² Likaŵanga kwaku imwe sabata lakupaturika la chipumulu, ndipo mukajitagwaniskanga; pa zuŵa la chinkhonde ndi chinayi la mwezi, mukasunganga sabata linu kwamba ndi mazulo, kutuwa ku mazulo kuya ku mazuli ghanyake.”

ŴaLevi 23:32 Referans Kwoze

ŴaHebere 4:11

Viyo tipamphuke kusere mu chipumulu chiya, alinga kuti wareke yumoza kuwiyamu chandiru chenicho pe cha mtafu.

ŴaHebere 4:3

Chifukwa taŵakuvwana tisere mu chipumulu cho; nge ndimo wanene, “Uli ndimo ndingurapiya mukandundu kangu, ‘Kuti ŵamsere cha mu chipumulu changu:’ ” chingana nkhuti nchitu zo zingufiskika kutuliya ku kukhazikika kwa charu.

1 ŴaKorinte 11:31

Kweni asani tajeruzganga taŵeni mu uneneska, mphanyi kuti tatinge teruzgikenge cha.

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Sumu 51:17

Sembe yakurondeka ndi Chiuta ndi mzimu wakusweka; mtima wakusweka ndi wakupe, A Chiuta, imwe kuti muyeyenge cha.

Sumu 35:13

Kweni ine, po iwo ŵangutama, ndinguvwara chigudulu, ndingujisuzga mzimu pa kufunga kurgha; ndinguromba pakusindamiya mutu wangu pa chifuŵa.

ŴaLevi 23:27

“Pa zuŵa la chumi la mwezi uwu wa chinkhonde ndi chiŵi ndi zuŵa la mphepeska; likaŵanga kwaku imwe nyengo yakuwunganirana kwakupaturika. Penipo mukajitangwaniskanga ndi kupereka sembe yapa moto ku Ambuya.

ŴaLevi 16:31

Ili ndi sabata lakulangulika kuti mupumuwe ndipo mukajisunganga mwaŵeni, langulu lake ndamuyaya.

ŴaLevi 23:31

Kuti mukachitangapo nchitu nanga njimoza cha. Ili ndi langulu muyaya mu migonezi yinu yose mu malo ghinu ghose ghakujamo.

ŴaLevi 23:33

Ndipo Ambuya anguti kwaku Mosese,

Nehemiya 13:19

Penipo kwambanga kufipa pa malikomo gha Yerusalemu sabata lenga lindafike, ndingulangula kuti visasa vijarikenge, ndi ndingulangula kuti vireke kujurika mpaka penipo sabata lakapo. Ndipo ndingumika ŵanyake ŵa ŵateŵeti ŵangu kutifuliya malikomo, alinga kuulevi katundu yo waserezgekengemo pa zuŵa la sabata.

ŴaLevi 16:29

“Likaŵanga langulu muyaya mwaku imwe kuti mu mwezi wa chinkhonde ndi chiŵi pa zuŵa la chumi la mwenzi wo, mukajisunganga, kuti mutatenge nchitu cha, manyi ndi mwenicharu pamwenga mlendo wakutandara mukati mwinu,