ŴaLevi 23:29 - Tonga Bible 1986

²⁹ Yose yo walivi kutangwanika mu zuŵa lenili wakadumulikangako ku ŵanthu ŵake.

ŴaLevi 23:29 Referans Kwoze

Chiyambo 17:14

Munthurumi we yose wambura kuchinjika yo walivi kuchinjika mu nyama yake ya kusongo wakadumulikangako ku khamu lake; waswa phanganu langu.”

Maŵerengedu 5:2

“Ŵalanguliye ŵaYisraele kuti ŵatuzgemo wamakhate yose mu ogiŵi, ndi yose wakuŵa ndi nthenda ya kusuluwa, ndi yose yo wakazuzgika pa kukwaska chakufwa;

ŴaLevi 23:32

Likaŵanga kwaku imwe sabata lakupaturika la chipumulu, ndipo mukajitagwaniskanga; pa zuŵa la chinkhonde ndi chinayi la mwezi, mukasunganga sabata linu kwamba ndi mazulo, kutuwa ku mazulo kuya ku mazuli ghanyake.”

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

ŴaLevi 23:27

“Pa zuŵa la chumi la mwezi uwu wa chinkhonde ndi chiŵi ndi zuŵa la mphepeska; likaŵanga kwaku imwe nyengo yakuwunganirana kwakupaturika. Penipo mukajitangwaniskanga ndi kupereka sembe yapa moto ku Ambuya.

Machitidu gha Ŵakutumika 3:23

Ndipo kukaŵanga kuti mzimu wose wo ukarekanga kumuvwa Mchimi yo ukanangikiyanga limu mu khamu lo.’

ŴaLevi 13:46

wakaŵanga wambura kutozgeka nyengo yose yo wakaŵiyanga ndi makhate ngwambura kutozgeka; wakajanga pakuyija, ndipo watenere kuja, kubwalo kwa ugoŵi.

ŴaLevi 23:30

Ndipo yose wakuchita nchitu ye yose pa zuŵa ili, munthu yo, ine nkhamuparghang'anga kumutuzgamo mu ŵanthu ŵake.

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

Chituwa 30:33

We yose wakuchita ghe ghose kukozganiskana nagho pamwenga we yose yo wakaŵikanga ghanyake gha mafuta yagha pa wakubwalo wakadumulikangako ku ŵanthu ŵake.’ ”

ŴaLevi 7:20

wose wo mbakuphotoka ŵangargha nyama; kweni munthu yo ngwambura kuphotoka asani wargha nyama ya sembe yakuperekeke chifukwa cha chimangu cha Ambuya, muthu yo wakadumulikangako ku ŵanthu ŵake.

ŴaLevi 7:21

Ndipo asani we yose wakwaska chinthu chamwikhu, manyi nchamwikhu cho chituwa ku munthu pamwenga kuchinyama pamwenga ku ukazuzi we wose, sono waturgha so nyama ya sembe yakuperekeke chimangu ku Ambuya, munthu yo wakadumulikangako ku ŵanthu ŵake.”