ŴaLevi 23:27 - Tonga Bible 1986

²⁷ “Pa zuŵa la chumi la mwezi uwu wa chinkhonde ndi chiŵi ndi zuŵa la mphepeska; likaŵanga kwaku imwe nyengo yakuwunganirana kwakupaturika. Penipo mukajitangwaniskanga ndi kupereka sembe yapa moto ku Ambuya.

ŴaLevi 23:27 Referans Kwoze

Chituwa 30:10

Aroni wakapepeskanga pa masengwe ghake kamoza pa chirimika, ndi ndopa za mpasku wa uheni wa mphepeska wakapepeskiyanga wo kamoza mu chirimika mu migonezi yinu; nchakupaturika chakuruska ku Ambuya.”

ŴaLevi 16:24

Wakasambanga mu maji mu malo ghanyake ghakupaturika, ndi kuvwara vivwaro vya waka, wakatuwanga ndi kupereka sembe yakocha, ya paku iyo mweneko ndi ya ŵanthu, kupepeske pa mweneko ndi ŵanthu.

ŴaLevi 16:15

“Pavuli, wakabayango mbuzi ya sembe yapa ulakwi yo njapa ŵanthu, wakazanga ndi ndopa zake kurutiya chivwinkhu, ndi kuchita nazo ndopa izi uli ndimo wanguchitiya ndi ndopa za nkhuzi, wakaziwazganga panthazi pa chitengo cha lisungu ndi kuchiri kuno kwa chitengo cha lisungu;

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Yesaya 58:5

Kumbi kufunga ko ndisankha ine nkhwa viyo, zuŵa lakujorovye munthu? Kumbi nkhukotama waka mutu pasi mwa kuthaŵiriya, ndi kutandika chigudulu ndi choto kusi kwake? Kumbi ichi ndichu mungadana kuti nkhufunga, ndi zuŵa lamalondeka ku Ambuya?

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

ŴaLevi 25:9

Sono mukambanga mbata yakuvwika kosekose, pa zuŵa la chumi la mwezi wa chinkhonde ndi chiŵi. Mukambanga mbata kosekose mu charu chose pa zuŵa lakupepeska.

ŴaLevi 16:11

“Aroni wapereke nkhuzi kuŵa sembe yapa ulakwi ndipo wakajipepeskiyanga iyo mweneko ndi nyumba yake, wakabayanga nkhuzi yo kuŵa sembe yapa ulakwi wa mweneko.

Yakobe 4:9

Suzgikani, ndi tenjeni, ndi liyani: kadara kinu kazgoke chitenje, ndi chimwemwe chinu ku chitima.

Sumu 35:13

Kweni ine, po iwo ŵangutama, ndinguvwara chigudulu, ndingujisuzga mzimu pa kufunga kurgha; ndinguromba pakusindamiya mutu wangu pa chifuŵa.

Machitidu gha Ŵakutumika 27:9

Ndipo yati yakapo nyengo yikuru, ndipo pakuŵa sono laurwani lwendo lapa nyanja (chifukwa nyengo ya chifunga nayo ndipo yarutapo kali), Paulo wanguŵachenjezga, ndi kuŵakambiya,

ŴaLevi 23:26

Ndipo Ambuya anguti,

ŴaLevi 23:28

Ndipo mu zuŵa lo kuti mukachitanga nchitu cha; pakuti ndi zuŵa la chipepeska, kumupepeskiyani imwe paurongo pa Ambuya Chiuta winu.

ŴaLevi 16:16

viyo ndimu wakapepeskiyanga malo ghakupaturika, chifukwa chakuwura kutozgeka kwa ŵaYisraele, ndi chifukwa cha mautimbanizi ghawo, ndi maulakwi ghawo ghose; viyo so ndimu wakachitiyanga ndi hema lakuwunganamo, lo lija ndi iwo mukati mukuwura kutozgeka kwawo.